Darmadağın olmuş, viran qalmış, divarları hislə örtülmüş kilsəyə yığışan xristianlar iki ildən sonra ilk dəfə ibadət edirlər.
Onlar Qaraquşdakı Müqəddəs Bakirə Məryəmin Məsum Hamiləliyi Kilsəsinə toplaşıblar.
Milli.Az Al Jazeera-ya istinadən bildirir ki, İraqın böyüklüyünə görə ikinci şəhəri Mosul 2014-cü ilin iyun ayında İŞİD-in əlinə keçəndən sonra kilsə yandırılmışdı.
İndi kilsənin dağılmış qübbəsindən görünən səmanın altında yerli xristianlar bir araya gələrək dua edirlər.
Onların arasında əl Qərayya şəhərindən olanlar da var.
İraqdakı xristianlığın 2 min il yaşı var.
2003-cü ilədək, İraq ABŞ tərəfindən işğal edilənədək bu ölkədə təqribən 1,5 milyon xristian yaşayırdı. İndi iraqlı xristianların sayını kimsə bilmir. Amma o bəllidir ki, İraqda xristianların sayı həddən ziyadə azalıb.
Milli.Az