Aktual mövzular: Dollar alış-satışı , Hava haqqında, Məzənnə, Neftin qiyməti

İran XİN: "Nə "Taliban"ı dəstəkləyirik, nə də Yəmənə silah göndəririk"

İran XİN: "Nə "Taliban"ı dəstəkləyirik, nə də Yəmənə silah göndəririk"

Date: 31 October 2016 13:12

"ABŞ rəsmisinin İranın Yəmənə silah və raket göndərməsi ilə bağlı iddiası həqiqətə uyğun deyil".

Milli.Az APA-ya istinadən bildirir ki, bunu İran Xarici İşlər Nazirliyinin sözçüsü Bəhram Qasımi deyib.
 
"Bu kimi iddialar elə bir vaxtda səslənir ki, İran, dünya ictimaiyyəti, vicdanlı insanlar, beynəlxalq təşkilatlar və QHT-lər silah istehsalçısı olan ölkələrin, müharibə alovlandıranların Səudiyyə Ərəbistanına silah satışını tənqid edirlər", - deyə o vurğulayıb. 
 
B. Qasımi həmçinin "Taliban" sözçüsünün İranın bu qruplaşmanı dəstəkləməsi ilə bağlı iddiasını təkzib edib: "İran İslam Respublikası region ölkələri arasında terror qruplaşmaları ilə mübarizədə həmişə ilk sırada olub və bu qruplaşmalarla mübarizədə indiyədək həm maddi, həm mənəvi baxımdan çoxlu itki verib".
 
O qeyd edib ki, bu kimi iddialar öncədən hazırlanmış planın tərkib hissəsidir və bu, terror qruplaşmasını dəstəkləyənlərin birbaşa  göstərişi ilə baş verir: "Bu kimi iddialarla dünya ictimaiyyətində İrana qarşı pis imic formalaşdırmaq məqsədi ilə ortaya atılır.  İranın bu terror qruplaşmasını dəstəkləməsi iddiası açıq-aşkar yalandır".

Milli.Az


Tags:  İran XİN Talibanı dəstəkləyirik Yəmənə silah göndəririk


RƏYLƏR


Top news