"Bakıda yeni sürüşmə sahələrinin yaranması mümkündür"

"Bakıda yeni sürüşmə sahələrinin yaranması mümkündür"
14:12 31 Oktyabr 2016
36 Ölkə
Ölkə mətbuatı
A- A+

"Bakıda - Günəşli, Əhmədli, Lökbatan, Badamdar, Qaraçuxur, Xırdalan və Masazırda yeni sürüşmə sahələrinin yaranması mümkündür".

Milli.Az bildirir ki, bunu Trend-ə Azərbaycan Milli Elmlər Akademiyasının Coğrafiya İnstitutunun direktor müavini Elbrus Əlizadə deyib.

Onun sözlərinə görə, bu proses bu il rütubətli havaların belə uzun müddətli müşahidə edilməsinin nəticəsi olaraq özünü göstərə bilər.

E.Əlizadə bildirib ki, əvvəllər nisbətən sabit olan sürüşmə ərazilərində də fəallaşmanın güclənməsi gözlənilir.

İnstitutun direktor müavini qeyd edib ki, respublika ərazisinin təqribən 25-26 faizi potensial sürüşmə təhlükəli ərazilərdir.

Onun sözlərinə görə, son dövrlərdə sürüşməyə meylli ərazilərdə sürüşmə müşahidə olunmurdu: "Amma bu il həmin zonalarda, məsələn, Göyçay dərəsində, Xınalıq yolu və onun ətrafında, Gədəbəy-Daşkəsən zonasında sürüşmə sahələrində proseslər xeyli fəallaşıb. Bu, rütubətli havaların bu il belə uzun müddət müşahidə edilməsinin nəticəsidir".

Milli.Az


Xəbərin orijinal ünvanı: http://news.milli.az/country/484843.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR