"Mançester Yunayted"in bir qrup azarkeşi Joze Mourinyo əleyhinə aksiya üçün pul yığır.
Milli.Az goal.az-a istinadən xəbər verir ki, azarkeşlər "Mourinho out" banneri daşıyacaq təyyarə icarəyə götürmək istəyirlər. Bu təyyarə "Yunayted"in qarşıdakı ev oyununda "Old Trafford" üzərində uçurulacaq. İki il öncə klubun azarkeşləri oxşar aksiyanı Devid Moyesə qarşı da təşkil etmişdilər. Nəticədə şotland mütəxəssis mövsümün sonuna bir neçə oyun qalmış vəzifəsindən azad edilmişdi.
Hazırda aktivində 15 xal olan "manikunianlar" turnir cədvəlinin 8-ci pilləsində qərarlaşıblar.
Milli.Az
