Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Taekvondoçularımız Serbiyada 6 medal qazandı

Taekvondoçularımız Serbiyada 6 medal qazandı

Date: 31 October 2016 16:33

Serbiyanın paytaxtı Belqradda taekvondo üzrə təşkil edilən "Serbia Open" beynəlxalq turnirinə yekun vurulub.

Publika.az xəbər verir ki, G1 kateqoriyalı yarışa 12 idmançı ilə qatılan gənclərdən ibarət Azərbaycan millisi 1 qızıl, 3 gümüş və 2 bürünc medal qazanıb.

Komandamızın heyətində Ayaz Qənbərli (45 kq) bütün rəqiblərinə qalib gələrək, fəxri kürsünün ən yüksək pilləsinə qalxıb. Ayazın finalda rəqibi isə komanda yoldaşı Bəhruz Quluzadə olub.

Digər gənc taekvondoçulardan Haşım Maqomedov (55 kq) və Əliəsgər Əliyev (68 kq) həlledici döyüşdə məğlub olaraq, yarışı gümüş medalla başa vurublar. Onlardan fərqli, Əli Məmmədov (59 kq) və Aliyə Zeynalovanın (44 kq) isə yarımfinal mərhələsindəki rəqibləri keçilməz olub.

Qeyd edək ki, yığmamızı noyabrın 16-20-də dünya birinciliyi gözləyir. Yarış Kanadada keçiriləcək.


Tags:  Taekvondoçularımız Serbiyada medal qazandı


RƏYLƏR


Top news