Aktual mövzular: Dollar alış-satışı , Hava haqqında, Məzənnə, Neftin qiyməti

“Ərəb baharı-2”, Putindən son hücum, İrəvanda “Azərbaycan...” – GÜNÜN SİYASİ CÜLASƏSİ

“Ərəb baharı-2”, Putindən son hücum, İrəvanda “Azərbaycan...” – GÜNÜN SİYASİ CÜLASƏSİ

Date: 31 October 2016 20:13

İrəvanda “Azərbaycan ssenarisi” həyata keçirilir. İraqda Mosul əməliyyatı üçgünlük pauzadan sonra yenidən başlanıb. Qərb mediasının iddiasına görə, Rusiya Hələbdə müxalif qüvvələrinin hücumunu dayandırmaq üçün genişmiqyaslı hücuma hazırlaşır. Mərakeşdə isə “Ərəb baharı-2”nin qoxusu gəlir.

Rusiyalı politoloq Vadim Dubnovun sözlərinə görə, Moskva Ermənistanda öz yanaşmasını dəyişir. O, bildirib ki, Moskva bundan sonra proqressiv, intellektual və Rusiyaya loyal olan insanlarla işləyəcək. Bura Rusiyadakı erməni milyarderlər də daxil ola bilər.

Vadim Dubnov bildirir ki,Karen Karapetyanın baş nazir təyin olunması Rusiyanın istəyinin əyani sürətidir.

Putin Ermənistana desant çıxarır: İrəvanda “Azərbaycan ssenarisi”

Rusiya Ermənistanda öz yanaşmasını dəyişir.

ABŞ-da erməni əsilli Zavik Zarqaryan və Vaçe Nairyan İrana reaktiv təyyarənin hissələrinin qaçaqlamçılıq yolu ilə çatdırılmasına görə həbs olunub.

“Los Anceles Times” nəşrinin yazdığına görə, xüsusi agentlər tərəfindən çərşənbə günü həbs olunan ermənilər İrana satdıqları silah hissələrinə görə 3 milyon ABŞ dolları əldə ediblər. Məhkəmə məxfi saxlanılan silahların ermənilər tərəfindən qanunsuz satışını Amerikanın milli təhlükəsizliyinə zərbə olaraq qiymətləndirib. Lakin Zarqaryanla Nairyan ittihamı qəbul etməyib. Onlar girov qarşılığında sərbəst buraxılıb.

Hər iki erməninin günahı təsdiqini taparsa, məhkəmə onları federal qanunvericiliyə əsasən həbs edəcək. Z.Zarqaryan 115 il müddətinə həbs və 4,77 milyon dollar cərimə, V.Nairyan isə 95 il həbs və 3,77 milyon dollar cərimə cəzasına məhkum edilə bilər.

Böyük döyüş yenidən başladı

Üçgünlük pauzadan sonra İraqın hökumət gücləri Mosula hücumu bərpa ediblər. Əməliyyatın hədəfi şəhəri iki hissəyə bölən Dəclə çayının şərqidir.

Əməliyyatda İraq ordusunun elit bölmələri və peşmərgə gücləri (Şimali İraq regional kürd rəhbərliyinin silahlı qüvvələri –red.) iştirak edir. İŞİD terror qruplaşmasının mövqeləri aviazərbələrə və artilleriya atəşinə məruz qalıb. İŞİD döyüşçüləri atıcı silahlar və minaatanlardan cavab atəşi açırlar. İraq ordusunun briqada generalı Hayder Fadilya bildirib ki, İŞİD kamikadzelərin idarə etdiyi avtomobillərin köməyi ilə hücumu dayandırmağa çalışır.

Son məlumatlara görə, Mosulun şimal-şərqindən İŞİD-ə qarşı 3 istiqamətdən hücuma keçən İraq ordusu şəhərin Karama bölgəsinə girib.İraq ordusunun generalı Talib Kənani şəhər mərkəzinin 1 kilometrliyində yerləşən Gobcelil məhəlləsini tamamilə nəzarət altına aldıqlarını deyib. Generalın sözlərinə görə, hazırda şəhərin cənub və şərq hissələrində şiddətli döyüşlər davam edir.

Qeyd edək ki, İraq ordusu və peşmərgə gücləri Mosul əməliyyatına oktyabrın 17-də başlayıb. İndiyə kimi İraq ordusu 61, peşmərgə gücləri isə Mosulun 28 kəndini İŞİD-dən azad edib.

Putin və Ərdoğan Suriyanın yeni xəritəsini hazırladı

Türkiyənin “Yeni Şafak” nəşrinin iddiasına görə, Ankara və Moskva Türkiyəni Mosul əməliyyatından kənarda saxlamaq istəyən və PYD/PKK terror təşkilatı ilə əməkdaşlıq edən ABŞ-a qarşı birgə mübarizə aparacaq.

Əsasməqsəd İraqın Əl-Bukemal və Yarubiye sərhəd qapılarından başlayaraq, Suriyanın Haseke, Qamışlı, Tel Abyad, Ayn əl-Arab, Cerablus, Çobanbəy, Azez və Afrinin daxil edildiyi “terror xətti” layihəsinə mane olmaqdır. Nəşr bildirir ki, Ankara və Moskva yeni bir xəritə üzərində razılaşıblar.

Nəşrə danışan mənbələrə görə, Hələbdən başlayaraq İdlip, Lazkiye, Rakka, Haseke və Deyr Zor bölgələrinin daxil edildiyi layihə müharibədən əvvəlki demoqrafik quruluş əsas götürülərək həyata keçiriləcək. Mənbələr bildirir ki, Ankara və Moskva Haseke, Tel Abyad, Afrin və Ayn əl-Arapda PYD-nin (PKK terror təşkilatının Suriya qolu –red.) “kanton”, “federasiya” və yaxud da “muxtar bölgə” adı altında hansısa yerli idarəçiliyinə imkan verməyəcək. Razılaşmaya görə, Əsəd rejimi Lazkiye və Tartusda suverenliyini gücləndirəcək. Putin “Ən-Nusra” Cəbhəsi və “Ahrar'uş Şam” kimi qrupların Hələbdən çıxarılmasında israr edir.

Suriyada vəziyyət hər keçən gün daha da pisləşir. Böyük Britaniyanın “The Times” qəzetinin kəşfiyyatdakı şəxsi mənbələrə istinadən verdiyi xəbərə görə, Rusiya müxalifət tərəfindən qismən tutulmuş Suriyanın Hələb şəhərinə bu həftə hücüm etmək niyyətindədir.

Qəzetin məlumatına görə, Kreml prezident seçkiləri ilə əlaqədar Vaşinqtonun xarici siyasətində yaranan müvəqqəti zəiflikdən istifadə edərək Hələbi tutmağı planlaşdırır. “Bundan sonra Moskva ABŞ-ın yeni prezidentini artıq baş vermiş fakt qarşısında qoyacaq”, - mənbə deyib.

Bildirilir ki, “Admiral Kuznetsov” təyyarədaşıyan gəminin başçılıq etdiyi Rusiya donanmasının Suriya sahillərinə doğru üzməsi də Hələbə planlaşdırılan hücumla bağlıdır.

Rusiya böyük hücuma hazırlaşır: Qroznı, Ruanda və Srebrenitsa və...

Rusiya müxalifət tərəfindən qismən tutulmuş Suriyanın Hələb şəhərinə bu həftə hücüm etmək niyyətindədir.

TVN24 telekanalının efirində danışan Polşanın Xarici İşlər Nazirliyinin sabiq başçısı Radoslav Sikorski iddiasına görə, Rusiya prezidenti Vladimir Putin Bəşər Əsədi qurban verə bilər.

“Rusiya prezidenti Vladimir Putin çətin maliyyə vəziyyəti ilə üzləşib. İstisna edilmir ki, ABŞ-la münasibətləri normallaşdırmaq üçün bu ölkənin yeni prezidentini gözləyir. O, “Yalta-2”nin keçirilməsini arzulayır. Putin ABŞ-a Ukraynanı Suriya ilə dəyişməyi təklif edə bilər. Şəxsən əmin deyiləm ki, məhz belə olacaq. Amma hadisələrin bu cür inkişafını istisna etmək olmaz. Əminəm ki, bu danışıqlar Ukraynanın sonrakı taleyini həll edə bilər”, - o, deyib.

Sikorskinin bəyanatına görə, ABŞ Ukraynanı tərk edərsə, Putin Suriya prezidenti Bəşər Əsədi dəstəkləməkdən imtina edəcək.

Putin bu ölkələrdə “narıncı inqilablar” hazırlayır – ŞOK SİYAHI

Rusiya sosioloqu və publisisti İqor Eydmanın iddiasını da sıradan səsləndirilmiş bir iddia hesab oluna bilməz. Onun sözlərinə görə, Rusiya prezidenti Vladimir Putin Şərqi Avropada “narıncı inqilablar” hazırlayır.

Publisist Çernaqoriyada dövlət çevrilişini təşkil etmək cəhdində Rusiya xüsusi xidmət orqanlarının iştirakı haqqında xəbərlərin etibarlılığından şübhələnmir. İqor Eydmanın fikrincə, Kreml bu cür pozucu fəaliyyətlə Şərqi Avropanın digər ölkələrində, həmçinin keçmiş SSRİ respublikalarında məşğuldur.

“Putin səmimiyyətlə inanır ki, istənilən inqilab və ya etiraz aksiyası xüsusi xidmət orqanlarının fəaliyyətinin nəticəsidir. Rusiya lideri əmindir ki, Ukrayna Maydanını və “Ərəb baharı”nı ABŞ Mərkəzi Kəşfiyyat İdarəsi təşkil edib. Bu inam Rusiya hakimiyyətini “narıncı inqilablar” sahəsində “qızğın silahlanma”ya aparır”, - Rusiya sosioloqu qeyd edib.

Putin bu ölkələrdə “narıncı inqilablar” hazırlayır – ŞOK SİYAHI

Rusiya prezidenti Vladimir Putin Şərqi Avropada “narıncı inqilablar” hazırlayır.

Rusiya və ABŞ arasında münasibətlər hər keçən gün daha da gərginləşir. Rusiya prezidenti Vladimir Putinin bugünkü fərmanı nüvə silahlanması üzrə yeni yarışın başlandığı anlama gəlir.

Vladimir Putin silah plutoniumun istifadəsi haqqında ABŞ-la imzalanan razılaşmanın icrasının dayandırılması haqqında qanunu imzalayıb.

Sözügedən razılaşma keçmiş prezidentlər Bill Klinton və Boris Yeltsin arasında 2000-ci ildə imzalanmışdı. Razılaşmaya əsasən, hər iki tərəf 34 ton plutoniumu reaktorlarda yandırmaqla sıradan çıxarmalı idi. Bu, nüvə qüvvələrinin azaldılması planının tərkib hissəsidir. Hər iki tərəf razılaşmanı 2010-cu ildə yeniləmişdilər. Razılaşmanın yenilənməsinin şərtlərindən biri 2000-ci il sentyabrın 1-dən sonra NATO-ya daxil olan ölkələrdə hərbi ittifaqın hərbi infrastrukturunun ixtisarı idi.

Nüvə silahlanması yarışı başlandı – Putindən FƏRMAN

Rusiya prezidenti Vladimir Putin silah plutoniumun istifadəsi haqqında ABŞ-la imzalanan razılaşmanın icrasının dayandırılması haqqında qanunu imzalayıb.

Saakaşvili ağır məğlubiyyətə uğradı – SON NƏTİCƏLƏR

Gürcüstanda parlament seçkilərinin ikinci turunda “Gürcü arzusu” hakim partiyası 50 majoritar (birmandatlı) dairənin 48-də qalib gəlib.

Digər iki dairəyə gəlincə, Tiflis şəhərinin Mtasmindsk dairəsi üzrə keçmiş xarici işlər naziri Salome Zurabişvili (Onu “Gürcü arzusu” dəstəkləyirdi –red.), Xaşursk dairəsində isə Sənaye Partiyasının nümayəndəsi qalib gəlib.

Partiya siyahılarına gəlincə, “Gürcü” arzusu 44, Gürcüstanın keçmiş prezidenti Mixail Saakaşvilinin lideri olduğu “Vahid Milli Hərəkat” 27, “Gürcüstan Vətənpərvərlər İttifaqı” isə 6 yer qazanıb.

Oktyabrın 8-də keçirilən seçkilərin ilk turunda “Gürcü arzusu” birmandatlı dairələr üzrə 23 yer qazanmışdı. Beləliklə, hakim partiya parlamentdə 150 yerdən 115-ni alacaq. Bu, “Gürcü arzusu”na Konstitusiyanı dəyişdirmək hüququ verir.

Parlamentə partiya siyahıları üzrə 77, birmandatlı dairələr üzrə isə 73 deputat daxil olacaq.

“Ərəb baharı -2” Mərakeşdə başladı – VİDEO/FOTO

Dünən Mərakeşdə baş verənlər “Ərəb baharı”nın ilk ölkəsi olan Tunisdə baş verənləri xatırladır. 2010-cu ilin dekabrın 15-də Tunisdə küçə satıcısı Məhəmməd Buəzizinin hökumət məmurlarına etiraz olaraq özünü yandırmasından sonra xalq küçələrə çıxmışdı. Və nəticədə hələ də bitməyən “Ərəb baharı” başlamışdı.

Mərakeşdə balıqçı Möhsün Fikrinin ölümü də ölkəni silkələyib. 31 yaşlı balıqçının ölməsinə etiraz olaraq minlərlə adam küçələrə çıxıb.

Hadisə oktyabrın 28-də əl-Hüseymidə baş verib. Yerli hakimiyyət nümayəndələri Möhsün Fikrinin qanunsuz ticarətlə məşğul olduğunu bildirərək ovladığı balıqları zibil maşınına atmağa başlayıblar. Öz malını xilas etməyə çalışan balıqçı zibildaşıyanın təkərləri altına düşür və ciddi zədələr alaraq hadisə yerində ölüb.

“Ərəb baharı -2” Mərakeşdə başladı – VİDEO/FOTO

Mərakeşdə balıqçı Möhsün Fikrinin ölümü ölkəni silkələyib.

Ömər Dağlı


Tags:  Ərəb baharı-2 Putindən son hücum İrəvanda Azərbaycan GÜNÜN SİYASİ CÜLASƏSİ

RƏYLƏR


Top news