Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Azərbaycan Ümumdünya Turizm Təşkilatı İcraiyyə Şurasının sədri seçilib

Azərbaycan Ümumdünya Turizm Təşkilatı İcraiyyə Şurasının sədri seçilib

Date: 31 October 2016 21:07

Bakı. 31 oktyabr. REPORT.AZ/ Oktyabrın 31-də Misirin Luksor şəhərində Birləşmiş Millətlərin Ümumdünya Turizm Təşkilatı İcraiyyə Şurasının 104-cü sessiyasında Azərbaycan Şuranın sədrliyinə namizədliyini təqdim edib. 
Mədəniyyət və Turizm Nazirliyi İnformasiya və ictimaiyyətlə əlaqələr şöbəsindən "Report"a verilən məlumata görə, aparılmış danışıqlar nəticəsində və üzv ölkələrin dəstəyi ilə ölkəmizin sədrliyi təsdiqlənib. Sədrin birinci müavini Zambiya, ikinci müavini isə Serbiya seçilib.
Azərbaycan adından sədr qismində çıxış edən mədəniyyət və turizm naziri Əbülfəs Qarayev sədrlik müddətində Ümumdünya Turizm Təşkilatı tərəfindən turizmin inkişafı və insanların rifahına töhfə verildiyi, həmçinin 2017-ci ilin “İnkişaf naminə davamlı turizm beynəlxalq ili” olduğu nəzərə alınaraq bu istiqamətdə bütün təşəbbüslərin dəstəklənəcəyini bildirib.
Azərbaycanın Ümumdünya Turizm Təşkilatı İcraiyyə Şurasının sədri seçilməsi Prezident İlham Əliyevin dəstəyi və təşəbbüsü ilə turizm sahəsində həyata keçirilən islahatların nəticəsi, ölkəmizin beynəlxalq turizm məkanında qazandığı nüfuz və etimadın, habelə BMT sisteminin ixtisaslaşmış təşkilatı olan Ümumdünya Turizm Təşkilatının və İcraiyyə Şurasına üzv dövlətlərin Azərbaycana etibarının göstəricisidir.






Tags:  Azərbaycan Ümumdünya Turizm Təşkilatı İcraiyyə Şurasının sədri seçilib

RƏYLƏR


Top news