Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

“Qəbələ” “Real”dan öndə - MƏĞLUBEDİLMƏZLƏR

“Qəbələ” “Real”dan öndə - MƏĞLUBEDİLMƏZLƏR

Date: 1 November 2016 08:47

Avropa ölkələrinin milli çempionatlarında 33 klub yoluna məğlubiyyətsiz davam edir.

Milli.Az apasport.az-a istinadən xəbər verir ki, onların arasında "Qəbələ" və "İnter" də var.

Azərbaycan Premyer Liqasının ilk 10 turunda "qırmızı-qaralar" və "bankirlər" məğlubiyyət üzü görməyiblər. "Böyük beşlik" ölkələrində (İngiltərə, İspaniya, Almaniya, İtaliya, Fransa) cəmi 6 elita təmsilçisi rəqibinə sevinmək imkanı verməyib. Bunlar "Real", "Bavariya", "Tottenhem", "Leypsiq", "Hoffenhaym" və "Nitsa"dı. Onlardan "Real" və "Tottenhem" də Azərbaycan klubları kimi, 10 matçda buna nail olublar. Maraqlıdı ki, "Tottenhem" "İnter"lə, "Real" isə "Qəbələ" ilə eyni sayda xal toplayıb. "Qəbələ" hətta top fərqinə görə "kral klubu"nu üstələyir. Roman Qriqorçukun yetirmələrində top fərqi +22-disə, Zinəddin Zidanın komandasında +18-ə bərabərdi.

Məğlub olmayan 33 klub ümumilikdə 23 ölkəni təmsil edir. Həmin 33 komandadan cəmi 2-si, ümumiyyətlə, xal itkisinə məruz qalmayıb. Bunlar TNS və "Europa"dı. Fərq ondadı ki, Uels klubu ilk 13, Cəbəllütariq təmsilçisi isə 5 turda qələbələri sıralayıb.

"Qəbələ" məğlubedilməzlər arasında ən az qol buraxan komandalardan biridi. "Europa" 5 oyunda 2 top buraxıbsa, APOEL 9 tur ərzində bu qədər qola üzülüb. AEL, "Kukesi" və "Dudelanj" keçirdikləri 9 matçda 3 dəfə topu tordan çıxarıblar. "Qəbələ" isə "Benfika", AEK, "Lusitanos" və "UE Santa Koloma" ilə birlikdə 4 qol buraxıb. Ancaq "qırmızı-qaralar" digərlərindən daha çox oyun keçiriblər.

Milli çempionatların məğlubiyyətsiz klubları:

15 turdan sonra

"Kopenhagen" (Danimarka) - 35 xal

14 turdan sonra

"Riyeka" (Xorvatiya) - 38

13 turdan sonra

TNS (Uels) - 39

"Bazel" (İsveçrə) - 35

"Şaxtyor" (Ukrayna) - 35

12 turdan sonra

"Levski" (Bolqarıstan) - 28

"Vardar" (Makedoniya) - 28

"Zenit" (Rusiya) - 28

11 turdan sonra

"Nitsa" (Fransa) - 29

"Feyenord" (Hollandiya) - 29

10 turdan sonra

"Seltik" (Şotlandiya) - 28

"Qəbələ" (Azərbaycan) - 24

"Real" (İspaniya) - 24

"İnter" (Azərbaycan) - 20

"Tottenhem" (İngiltərə) - 20

9 turdan sonra

"Benfika" (Portuqaliya) - 25

AEK (Kipr) - 25

APOEL (Kipr) - 23

AEL (Kipr) - 21

"Samtredia" (Gürcüstan) - 21

"Kukesi" (Albaniya) - 17

"Bavariya" (Almaniya) - 23

"Dudelanj" (Lüksemburq) - 23

"Başakşəhər" (Türkiyə) - 23

"Leypsiq" (Almaniya) - 21

"Fola" (Lüksemburq) - 21

"Differdanj" (Lüksemburq) - 21

"Beşiktaş" (Türkiyə) - 21

"Hoffenhaym" (Almaniya) - 19

6 turdan sonra

"Sent-Julia" (Andorra) - 14

"Lusitanos" (Andorra) - 14

"UE Santa Koloma" (Andorra) - 12

5 turdan sonra

"Europa" (Cəbəllütariq) - 15

Milli.Az


Tags:  Qəbələ Realdan öndə MƏĞLUBEDİLMƏZLƏR

RƏYLƏR


Top news