Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Azərbaycan Rusiyaya qarşı sanksiyaları dəstəkləmədi"

"Azərbaycan Rusiyaya qarşı sanksiyaları dəstəkləmədi"

Date: 1 November 2016 13:37

"Biz həmişə özümüzü Azərbaycanda rahat hiss edirik. Bu forumun formatı çox vacibdir. Biz yeni layihə və perspektivlər gözləyirik. Rusiya və Azərbaycan ağır postsovet böhranından çıxan ölkələrdir. Azərbaycan vacib regional dövlətə, Rusiya isə böyük ölkəyə çevrilib".

Milli.Az APA-ya istinadən bildirir ki, bunu Bakıda keçirilən VII Rusiya-Azərbaycan regionlararası forumda çıxışı zamanı Rusiyanın Dağıstan Respublikasının rəhbəri Ramazan Abdulatipov deyib.
 
İki ölkənin beynəlxalq aləmdə müstəqil siyasət yürütdüyünü deyən R. Abdulatipov qeyd edib ki, Rusiyaya sanksiyalar tətbiq olunanda Azərbaycan bu sanksiyaları dəstəkləməyib: "Buna görə də Azərbaycan prezidentinə minnətdarlığımı bildirirəm. Təəssüf ki, ABŞ dünyada sabitliyin bərpasında vacib rol oynamalı olduğu halda münaqişələrin mənbəyinə çevrilir. Bu ölkədə prezidentliyə namizədlər ABŞ-ın xeyrinə yox, Rusiyanın əleyhinə kampaniya aparırlar". 

Dağıstan Respublikasının Azərbaycanla əlaqələrinə gəldikdə isə R. Abdulatipov 3 il ərzində rəhbərlik etdiyi respublikanın Azərbaycanla münasibətlər quran Rusiya subyektləri arasında ilk "beşliyə" düşdüyünü vurğulayıb: "Mən Dağıstana gələndə, respublikada iqtisadi durum yaxşı deyildi, yanında uğurla inkişaf edən Azərbaycan var idi. Lakin aralarında heç bir iqtisadi və mədəni əlaqələr yox idi. 3 il ərzində Azərbaycanla münasibətlər quran Rusiya subyektləri arasında ilk "beşliyə" düşdük. Dağıstan informasiya təbliğatına baxmayaraq, Rusiyanın ən sakit regionlarından biridir. Təəssüf ki, Dağıstanın çoxlu sayda daxili düşmənləri var. Biz Xəzər dənizinin statusu ilə bağlı məsələdə pis işləyirik. 25 ildir Xəzərin dibinin statusu ilə bağlı danışıqlar aparırıq, bu müddətdə buraya üçüncü tərəflər daxil olur. Bu barədə sabah fikirləşəndə, deyəcəyik ki, bizə işləməyə mane olurlar".

Milli.Az


Tags:  Azərbaycan Rusiyaya qarşı sanksiyaları dəstəkləmədi

RƏYLƏR


Top news