Aktual mövzular: Dollar alış-satışı , Hava haqqında, Məzənnə, Neftin qiyməti

15 il qabaqkı cinayətinə görə həbs edilən “ZEK”: “Üstümdə tapança var idi”

15 il qabaqkı cinayətinə görə həbs edilən “ZEK”: “Üstümdə tapança var idi”

Date: 1 November 2016 16:09

 

15 il əvvəl ağır cinayətlər törətməkdə təqsirli bilinən Pərviz Hüseynovun cinayət işi üzrə məhkəmə başlayıb.

Lent.az-ın məlumatına görə, Bakı Ağır Cinayətlər Məhkəməsində hakim Əlövsət Abbasovun sədrliyi ilə keçirilən prosesdə məhkəmə istintaqı açıq elan edilib. Prokuror ittiham aktını elan edib. Pərviz Hüseynov elan olunmuş ittiham üzrə özünü qismən təqsirli bilib. O, bildirib ki, adam öldürməyə cəhd və digər ağır cinayətlərdə iştirak etməyib. 2000-ci ildə yalnız Bakı kəndlərindən birində bağ evinə edilən basqında iştirak edib:

 

“Cinayəti Cahangir adlı şəxs təşkil edib. Cahangirin vasitəsi ilə də Məmmədtağı və Nazim Babayevi tanımışam. Nazim Babayev bizi həmin bağ evinə maşını ilə aparıb. Onu da cəmi bir dəfə orada görmüşəm. Həmin hadisə zamanı məndə “Makarov” tipli tapança və qandal olub. Qandalı ona görə götürmüşdüm ki, evinə basqın etdiyimiz kişinin qoluna vurum. Amma qandalı kişinin qoluna vura bilmədim. Cahangirin sözlərinə görə, basqın edilən şəxsdə külli miqdarda pul və qızıl olduğunu bilib və buna görə də cinayəti planlaşdırıb. Amma deyilən kimi olmadı. Evdən nə pul, nə də qızıl tapıldı. Planlaşdırdığımız kimi pulu və qızılları aramızda böləcəkdik”.

 

Təqsirləndirilən şəxs deyib ki,  Azərbaycanda bu cinayətdən əvvəl iki dəfə məhkum olunub. O, bildirib ki, bağ evinə basqın edəndən sonra Rusiyaya gedib və orada yaşamağa başlayıb: “Rusiyada olduğum müddətdə oğurluq etdim. Oğurluq etdiyim üçün orada da məhkumluq həyatı yaşamışam. Həbsdən yeni çıxmışdım, Azərbaycana gələndə həbs edildim”.

 

Qeyd edək ki, Pərviz Hüseynov paytaxtda 2000-ci ildə digər 3 nəfərlə birlikdə cinayət əlaqəsinə girərək Bakı şəhər sakini öldürməyə cəhd edib.

Onlar şəhər sakinləri qarşı quldurluq əməlləri törədərək pul alıblar. Digər 3 nəfər həmin il saxlanılaraq barələrində məhkəmə hökmü çıxarılıb.

Pərviz Hüseynov isə cinayətdən yayına bilib. O, Rusiya Federasiyasına qaçıb. Bir müddətdən sonra Rusiyada başqa bir cinayətə görə tutulub. Uzun müddət orda məhbusluq həyatı yaşayıb. 2015-ci ildə Azərbaycana qayıdan Pərviz Hüseynov saxlanılıb.


Tags:  il qabaqkı cinayətinə həbs edilən ZEK Üstümdə tapança var idi


RƏYLƏR


Top news