Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Goldman Sachs": Neft hasilatı məhdudlaşdırılmasa, qiymət 40 dollar/barelə düşəcək

"Goldman Sachs": Neft hasilatı məhdudlaşdırılmasa, qiymət 40 dollar/barelə düşəcək

Date: 1 November 2016 16:32

Bakı. 1 noyabr. REPORT.AZ/ OPEC təşkilatının noyabrın 30-da Vyanada (Avstriya) keçiriləcək növbəti iclasında neft hasilatının azaldılmasına dair razılaq əldə edilməsə, neftin qiyməti 40 dollar/barel səviyyəsinə kimi geriləyəcək. "Report"un "Bloomberg" agentliyinə istinadən verdiyi xəbərə görə, bunu ABŞ-ın "Goldman Sachs" investisiya bankı açıqlayıb.
Bankın Damien Kurvalen də daxil olmaqla bir sıra analitiklərinin hazırladıqları hesabatda qeyd olunub ki, hasilat kvotalarının tətbiqi prosesində heç bir addımın atılmaması və OPEC üzvləri arasında getdikcə artan anlaşılmazlıqlar noyabrın 30-da razılaşmanın əldə olunması ehtimallarını azaldır. Bununla yanaşı, bu günə qədər heç bir razılaşmanın əldə edilməməsinin neft qiymətlərini azaltmağa başladığı bildirilir.
Xatırladaq ki, dünən, oktyabrın 31-də "Brent" markalı neftin qiyməti 3,5% azalma göstərib və 48 dollar/barelə qədər geriləyib. Qeyd edək ki, "Brent"in qiyməti oktyabrda 2016-cı ilin maksimal həddinə (53,73 dollar/barel) yüksəlib. Hazırda isə "Brent" markalı neft ilin maksimal səviyyəsindən 9% aşağı satılır. Lakin bu, cari ilin minimal səviyyəsindən 80% yuxarıdır.

Tags:  Goldman Sachs Neft hasilatı məhdudlaşdırılmasa qiymət 40 dollarbarelə düşəcək


RƏYLƏR


Top news