Aktual mövzular: Dollar alış-satışı , Hava, Məzənnə, Neftin qiyməti

Sabah İslam İnkişaf Bankının missiyası Azərbaycana gəlir

Sabah İslam İnkişaf Bankının missiyası Azərbaycana gəlir

Asiya İnkişaf Bankı Azərbaycana yeni kredit ayıra bilər (15 Mart 2017 09:57)
Asiya İnkişaf Bankının enerji missiyası Azərbaycana gələcək (28 Fevral 2017 15:17)
Azərbaycan Beynəlxalq Bankının inkişaf bankına çevrilməsi nəzərdə tutulmur (24 Fevral 2017 12:52)

Tarix: 1 Noyabr 2016 16:42

Bakı. 1 noyabr. REPORT.AZ/ Noyabrın 2-də İslam İnkişaf Bankının (IDB) missiyasının Azərbaycana səfəri başlayacaq. “Report”un əldə etdiyi məlumata görə, missiyaya Bankın meneceri Papacsi Abdulayi rəhbərlik edəcək.
Məlumatda deyilir ki, “Milli su təchizatı və kanalizasiya xidmətləri Proqramına dəstək Layihəsi" çərçivəsində baş tutacaq səfər 1 həftə davam edəcək.
Səfər çərçivəsində IDB nümayəndələri “Azərsu” ASC-nin rəhbərliyi, Bankın Azərbaycan üzrə direktoru olan iqtisadiyyat naziri Şahin Mustafayevlə görüşəcəklər.
Azərbaycanın 6 rayonunda su təchizatı və kanalizasiya şəbəkələrinin yenidən qurulması layihəsinin icrası ilə tanış olacaq missiyanın digər hökumət rəsmiləri ilə görüşəcəyi istisna edilmir.
Qeyd edək ki, “Milli su təchizatı və kanalizasiya xidmətləri Proqramına dəstək Layihəsi" Azərbaycanın 6 rayonunda – Daşkəsən, Gədəbəy, Qazax, Samux, Astara və Tərtərdə su təchizatı və kanalizasiya şəbəkələrinin yenidən qurulması üçün IDB tərəfindən maliyyələşdirilir. Layihə nəticəsində ümumilikdə 320 min nəfərin keyfiyyətli və dayanıqlı içməli su ilə təmin ediləcəyi deyilir.

Teqlər:  Sabah İslam İnkişaf Bankının missiyası Azərbaycana gəlir



RƏYLƏR


Top xəbərlər