Avrasiya İqtisadi İttifaqı İnstitutunun direktoru
İrəvana Qarabağla bağlı xəbərdarlıq edib. Mosul əməliyyatı son
mərhələsinə daxil olur. Türkiyənin böyük miqdarda hərbi texnikası
və canlı qüvvəsinin İraq sərhədinə yeridilməsi isə təhlükəli
gedişatdan xəbər verir. ABŞ Suriyada bir ilkə imza
atıb.
Avrasiya İqtisadi İttifaqı İnstitutunun direktoru
Vladimir Lepexin İrəvana xəbərdarlıq edib: “Qarabağı
itirəcəksiniz”
Onun sözlərinə görə, Rusiya Ermənistanda informasiya
müharibəsində Qərbə məğlub olur. Vladimir Lepexin deyib ki, Qərb
informasiya müharibəsində böyük pullar xərcləyir.
“Bütün strukturlar bir hədəfə işləyir: mədəni assimilyasiya.
Ermənistan buna təslim olaraq, qərb sivilizasiyasına söykənərsə,
nəticələr ağır olacaq. Hər şeydən əvvəl bu Qarabağın itirilməsi ilə
nəticələnəcək. Mən hələ vətəndaş müharibəsinin başlanmasını
demirəm. Hesab edirəm ki, Ermənistan müstəqil dövlət olmaq üçün
Rusiyaya söykənməlidir”, - Lepexin qeyd edib.
#174323#
Mosul əməliyyatı
Bütün dünyanın diqqətində olan Mosul əməliyyatında 16-cı
gün başlanıb. Bu gün İraq ordusu İŞİD terror təşkilatının müdafiə
xətini yararaq şərq istiqamətindən şəhərə girib.
İraq ordusunun generalı Sami Aridi İŞİD üzvlərinin yerə
döşədikləri minaları partladaraq İraq ordusunu dayandırmağa
çalışdığını deyib. Şiddətli döyüşlərin getdiyi cəbhədə olan BBC
müxbiri xüsusi təyinatlıların güclü müqavimətlə qarşılaşdığını qeyd
edib.
İŞİD terror təşkilatı Mosul şəhərinin ətrafındakı
Hammam əl-Alil bölgəsindən 25 min mülki vətəndaşı güc tətbiq edərək
Mosula daşıyır.
Bu haqda Birləşmiş Millətlər Təşkilatı (BMT) insan haqqları üzrə
ali komisarının sözçüsü Ravina Şamdasani bildirib. Beynəlxalq
təşkilatın məlumatına görə, İŞİD mülki əhalini Mosul və ətrafında
yerləşdirmək istəyir. Ravina Şamdasani vətəndaşlardan canlı qalxan
kimi istifadə edilə biləcəyini və bunun döyüş cinayəti olduğunu
deyib.
Bundan başqa, İŞİD İraq ordusunun 40 əsgərini öldürərək Dəclə
çayına atıb. Əsgərlərin qanı ilə Dəclənin rəngini dəyişdirdiyi
deyilir. Ravina Şamdasani əsgərlərin daha əvvəl Əl-Şura və Hammam
əl-Alil bölgələrindən qaçırıldığını bildirib.
Türkiyə ordusu isə İraqa daxil ola bilər. Türkiyə
İraqla sərhədə böyük miqdarda zirehli texnika və qoşunların əlavə
kontingentini yeridir. NTV telekanalının məlumatına
görə, tanklar və zirehli texnika ölkənin cənub-şərqində yerləşən
Şirnak vilayətinə doğru hərəkət edir. Texnika Türkiyənin mərkəzi
vilayətlərindən daşınır.
Daha əvvəl isə ölkə prezidenti Rəcəb Tayip Ərdoğan İraqla
sərhəddə hərbi qüvvənin artırıla biləcəyini deyib. Onun sözlərinə
görə, əgər şiə qüvvələri İraq türkmanlarının yaşadığı Telaferə
daxil olarsa, Türkiyə “başqa cavabı” verə bilər.
Türkiyənin müdafiə naziri Fikri İşık “hər ehtimala hazır
olmalıyıq” deyib.
Son məlumatlara görə, “Haşdi Şabi” şiə birliyi İŞİD-in
İraq-Suriya əlaqəsini kəsmək üçün təxminən 100 min türkmanın
yaşadığı Telafer istiqamətində əməliyyata başlayıb.
Suriya cəbhəsi
ABŞ ordusu isə Suriyada bir ilkə imza atıb. ABŞ 6
illik vətəndaş müharibəsi dövründə ilk dəfə Bəşər Əsəd hökumətinə
açıq dəstək verib.
Suriya müxalifətinin İŞİD-ə qarşı mübarizə apardığı Hələbdə
keçirilən hərbi əməliyyatlarda ABŞ və Əsəd qüvvələri eyni cinahda
döyüşüblər. Əməliyyat zamanı Bəşər Əsəd ordunun hərbçiləri ABŞ
Hərbi Hava Qüvvələrinin iştirakı ilə 6 kəndi İŞİD terrorçularından
azad edib. Suriya müxalifəti də Əsəd ordusu ilə bərabər İŞİD-ə
qarşı döyüşüb.
Moskvadan SOS: “ABŞ Rusiyanın strateji obyektlərini
vuracaq”
Vaşinqton-Moskva, həmçinin Moskva-Qərb xəttində isə
qarşılıqlı ittihamlar bir-birini əvəz edir.
Rusiya Təhlükəsizlik Şurasının katibi Nikolay Patruşevin
sözlərinə görə, Rusiya sərhədlərində yerləşdirilmiş ABŞ-ın raketdən
müdafiə sistemlərindən ölkənin strateji obyektlərinə zərbələr
vurmaq üçün istifadə etmək olar.
Moskvadan SOS: “ABŞ Rusiyanın strateji obyektlərini vuracaq”
Xəyali “Rusiya təhdidi”ndən müdafiə üsulları müxtəlif suallar yaradır
Böyük Britaniyanın MI5 əks-kəşfiyyat xidmətinin
başçısı Endrü Parker isə əksini düşünür. O, bildirib ki, Rusiya
Böyük Britaniyanın sabitliyinə təhdid yaradır və öz hədəflərinə
çatmaq üçün müasir vasitələrdən istifadə edir.
“Rusiya xarici siyasətini təbliğat, casusluq, diversiyalar və
kiberhücumlar da daxil olmaqla təcavüzkar üsullarla həyata keçirmək
üçün bir sıra dövlət orqanlarından istifadə edir. Rusiya bütün
Böyük Britaniya və Avropada fəaliyyətdədir. MI5-nin işi buna qarşı
durmaqdır”, - Endrü Parker bildirib.
MI5-in başçısı həmçinin vurğulayıb ki, Böyük Britaniyada
Rusiyanın bir çox kəşfiyyatçısı hərəkət edir. Onun sözlərinə görə,
Rusiyanın hədəflərinə sənaye layihələri, iqtisadi informasiya,
hərbi sirlər, həmçinin hökumətin xarici siyasətinə dair məlumatlar
daxildir.
Endrü Parker qeyd edib ki, Rusiya özünü daha çox Qərbə müxalifət
kimi göstərir və buna uyğun hərəkət edir. Kəşfiyyat şefi Rusiyanın
onilliklər ərzində gizli təhdid olduğunu bildirib. Amma o, konkret
sübutları təqdim etməyib.
Zarafat baş katibi istefa verməyə məcbur
etdi
Bir zarafat belə İslam Əməkdaşlıq Təşkilatının (İƏT)
baş katibi kimi bir postu tərk etməsi ilə nəticələnə bilər. Söhbət
İyad Madanidən gedir.
Misir prezidenti Əbdülfəttah Əs-Sisi ilə əlaqədar etdiyi zarafat
İyad Madanini İƏT-in baş katibi vəzifəsindən istefa verməyə məcbur
edib. İyad Madani Qahirədən gələn reaksiyalardan sonra vəzifəsindən
istefa verib. Misir bu qərarı məmnuniyyətlə qarşıladığını
açıqlayıb.
Madani öz postunu səhhəti ilə bağlı tərk etdiyini açıqlasa da,
siyasi müşahidəçilər hesab edirlər ki, istefanın arxasında onun bu
yaxınlarda Əbdülfəttah Əs-Sisinin ünvanına etdiyi və bir çox ərəb
ölkəsində narazılığa səbəb olan zarafatı dayanır.
Zarafat baş katibi istefa verməyə məcbur etdi
“Əminəm ki, soyuducunuzda olan yalnız su deyil, cənab prezident”.
Tramp: "Klinton üçüncü dünya müharibəsi başlamaq
istəyir"
Respublikaçılar Partiyasından ABŞ prezidentliyinə
namizəd Donald Tramp demokrat rəqibi Hillari Klintonu xarici
siyasətdəki mövqeyinə görə, növbəti dəfə tənqid
edib.
Milyarderin sözlərinə görə, Klinton Vaşinqtonu Suriyada Moskva
ilə hərbi münaqişəyə çəkməyə çalışır və bu üçüncü dünya
müharibəsinin başlamasına gətirib çıxara bilər.
#174251##
Uşaq bağçasında ŞOK OLAY: İki qadın oğlan uşaqlarını
cinsi istismar etdi
Danimarkada ötən həftə bağlanılan və miqrant uşaqların sığındığı
Tullebölle Uşaq Bağçası ilə bağlı şok bir iddia ortaya atılıb.
Bildirilir ki, müəssisədə çalışan iki qadın oğlan
uşaqlarını cinsi istismara məruz qoyub.
Məlumata görə, uşaqlar 15-17 yaşlarında olub. Cinsi istismarla
bağlı görüntülərin ortaya çıxmasından sonra Uşaq Mərkəzinin
bağlanılması barədə qərar verilib.
İlk cinsi istismar hadisəsi barədə polisə iyunun 10-da xəbər
verilib. Lakin müəssiəsinin yerləşdiyi Langeland bələdiyyəsi bundan
yalnız 10 gün sonra xəbərdar edilib. Tullebölle Uşaq Mərkəzinin
bağlanma səbəbi isə “miqrant uşaqların çoxlu problemlər yaratması”
göstərilmişdi.
Qeyd edək ki, daha əvvəl Yunanıstanda yerləşən miqrant
düşərgələrində baş verən cinsi zorakılıqlar barədə xəbərlər
yayılıb.
Hindistan və Pakistan sərhədində gərginlik yenidən
artıb. Son sutka ərzində tərəflər arasında baş verən
atışma nəticəsində ən azı 12 nəfər həlak olub. Ölən şəxslərdən
yalnız 1 nəfəri hərbçidir.
Qeyd edək ki, sentyabr ayından bu yana Hindistanla Pakistan
arasında münasibətlər gərginləşib. Sentyabrın 29-da Hindistanın
Kəşmirdə keçirdiyi antiterror tədbirləri zamanı Pakistan ərazisinə
zərbə endirməsi rəsmi İslamabadın etirazına səbəb olub. Bundan
sonra iki ölkə arasında münasibətlər gərginləşib. Hindistan
hərbçiləri təkcə son 11 gün ərzində Pakistana qarşı 5 min minaatan
mərmisindən istifadə ediblər.
Gürcüstanda keçirilən son parlament seçkiləri keçmiş
prezident Mixail Saakaşvilinin lideri olduğu “Vahid Milli
Hərəkat”ının məğlubiyyəti ilə yadda qaldı. Baxmayaraq ki, o,
tərəfdarlarına qalib gələrək ölkəyə qayıdacağına söz
verirdi.
Gürcüstandan artıq qızılgül ətri gəlmir. Son parlament seçkiləri
bu ölkənin qoxularının da dəyişdiyini göstərdi.
Çaxıra dəyişdirilən Mişa və qanadlanan “gürcü arzusu” - TƏHLİL
Son parlament seçkiləri bu ölkənin qoxularının da dəyişdiyini göstərdi.
Ömər Dağlı
Xəbərin orijinal ünvanı: http://publika.az/news/nida/174371.htmlŞahid olduğunuz hadisələrin video və ya fotosunu çəkərək bizə göndərin: 0552252950 (Whatsapp)