"Akteliz" dərmanı ilə bağlı problem aşkarlanıb. Belə ki, dərmanın həll olması zamanı rezin tıxac flakonun daxilinə itələnir. Bu texniki problem dərmanın istifadəsini yararsız edir. Adı çəkilən problemlə bağlı bir çox ölkədən dərmanı istehsal edən şirkətə şikayətlər daxil olub.
Milli.Az xezerxeber.com-a istinadən bildirir ki, Səhiyyə Nazirliyinin Analitik Ekspertiza Mərkəzinin farmakologiya şöbəsinin eksperti Elmin Quliyev şirkətin dərman ixrac etdiyi ölkələrə bununla bağlı məlumat yaydığını deyir.
Azərbaycanda bənzər halın qeydə alınıb-alınmamamsı ilə maraqlandıq.
Ekspert hələlik belə bir şikayətin mərkəzə daxil olmadığını bildirdi.
"Akteliz" dərmanı daha çox kəskin miokard infarktı, ağciyər arteriyalarının kəskin emboliyası, işemik insult zamanı əsasən tibb müəssisələrində istifadə olunur.
Milli.Az