Bakı. 2 noyabr. REPORT.AZ/ Hindistanın paytaxtı Dehli şəhərində güclü yanğın baş verib.
"Report" xəbər verir ki, bu barədə "NDTV" telekanalı məlumat yayıb.
Məlumata görə, hadisə Şahdar rayonunun şərq hissəsində, avtomobil dayanacağında qeydə alınıb. Yanğın zamanı azı 3 nəfər ölüb, daha 10 nəfər xəsarət alıb.
Hadisəyə qısaqapanma səbəb olub.Yanğın söndürülüb və yaralılar xəstəxanalara yerləşdirilib.
Yaralılardan bir neçəsinin vəziyyəti ağırdır.