"Vyetnam hökuməti Azərbaycana energetika, nəqliyyat, ticarət və aqrar sahələrdə əməkdaşlıq üzrə təkliflər təqdim edir".
Milli.Az bildirir ki, bunu Trend-ə Azərbaycanın Vyetnamdakı səfiri Anar İmanov deyib.
Onun sözlərinə görə, bu təkliflərə ilk Azərbaycan-Vyetnam ticarət-iqtisadi və elmi-texniki əməkdaşlıq üzrə hökumətlərarası komissiyanın iclası zamanı baxılacaq.
Səfir qeyd edib ki, iclas yaxın zamanda keçiriləcək.
Qeyd edək ki, iki ölkə arasında ticari-iqtisadi əlaqə haqqında danışan səfir bildirib ki, 2016-cı ilin ilk altı ayında Azərbaycan və Vyetnam arasında ticarət dövriyyəsi 51.9 mln. dollar təşkil edib və bu məbləğin 47.4 mln. dolları Azərbaycan tərəfinin payına düşür.
Milli.Az