Türkiyənin Milli Təhlükəsizlik Xidmətinin rəhbəri Hakan Fidan Rusiyaya səfərə gedib.
Publika.az xarici mediaya istinadən xəbər verir ki, Hakan Fidanın Türkiyənin Baş Qərargah rəisi, ordu generalı Hulusi Akarla bərabər Moskvaya getdiyi deyilir.
Türkiyə mediası yazır ki, səfər çərçivəsində Hakan Fidanın Rusiyanın xüsusi xidmət orqanlarının rəhbərləri ilə görüşəcəyi güman olunur:
“Görüşlərdə əsas müzakirə olunan məsələ İŞİD-ə qarşı birgə mübarizə və Türkiyənin PYD terror təşkilatı ilə əməkdaşlıq etməsinin mümkünsüz olması ilə bağlıdır”.
Vasif Həsənli