Aktual mövzular: Dollar alış-satışı , Hava haqqında, Məzənnə, Neftin qiyməti

Dövlət Neft Fondu tender elan edib

Dövlət Neft Fondu tender elan edib

Date: 2 November 2016 10:12

Bakı. 2 noyabr. REPORT.AZ/ Azərbaycan Dövlət Neft Fondu (ARDNF) 6 lot üzrə açıq tender elan edib. "Report" xəbər verir ki, bu barədə rəsmi mətbuatda məlumat verilib.
Açıq tender ARDNF üçün lisenziyaların vaxtının başa çatmasından sonra 1 il müddətinə uzadılması və avadanlıqların alınmasını əhatə edir. Belə ki, Lot-1 Radware lisenziyalarının, Lot-2 RSA lisenziyalarının, Lot-3 digər məhsulların lisenziyalarının, Lot -4 fiziki təhlükəsizlik sistemlərinin Cisco lisenziyalarının, Lot -5 fiziki təhlükəsizlik sistemlərinin IB Integra lisenziyalarının vaxtının başa çatmasından sonra 1 il müddətinə uzadılması, Lot-6 isə fiziki təhlükəsizlik avadanlıqlarının satnalınmasına aiddir.
Tender proseduru 14 dekabr 2016-cı il saat 11.00-da ARDNF-nin yerləşdiyi Bakı şəhəri, Heydər Əliyev, prospekti, 165 nömrəli ünvanda tender təkliflərinin (zərflərinin) açılması ilə başlanacaq.
Podratçılardan tələb olunan sənədlər dekabrın 1-i saat 18.00-a qədər faks, elektron poçt və ya adi poçtla, tender təklifləri isə dekabrın 13-ü saat 18.00-a qədər ikiqat zərfdə bağlanmış və möhürlənmiş şəkildə adı çəkilən ünvana təqdim edilməlidir.
Tenderin əsas şərtlər toplusu tenderdə iştirak edən podratçılara hər lot üçün 100 manat iştirak haqqı ödənildikdən sonra təqdim ediləcək.

Tags:  Dövlət Neft Fondu tender elan edib


RƏYLƏR


Top news