Çempionlar Liqasının qrup mərhələsinin IV turunun qarşılaşması "Barselona" üçün uğursuz nəticə ilə əlamətdar olub.
Milli.Az apasport.az-a istinadən xəbər verir ki, İspaniya klubu son 12 ildə qrupdakı ən ağır məğlubiyyətini alıb.
"Mançester Siti" ilə səfər oyununda 1:3 hesabı ilə uduzan barselonalılar 2004-cü ildən sonra bu mərhələdə iki top fərqi ilə yenilməmişdilər. Kataloniyalıların sonuncu uğursuzluğu isə "Şaxtyor"la görüşdə qeydə alınmışdı. Həmin vaxt Ukrayna klubu 2 cavabsız qolla qalib gəlmişdi.
Qeyd edək ki, "Barselona" həm də tarixində ilk dəfə "Mançester Siti"yə uduzub. Bunadək 5 dəfə rəqibini məğlub edən ispaniyalılar 6-cı matçda buna üzülüblər.
Milli.Az