Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

Baş psixiatr: "Ölkədə psixoloji yardım dövlət nəzarətində olmalıdır"

Baş psixiatr: "Ölkədə psixoloji yardım dövlət nəzarətində olmalıdır"

Date: 2 November 2016 11:05

"Milli Məclisdə psixoloji yardımı haqqında qanun layihəsinin müzakirə edilməsi çox vacib, düzgün addımdır".

Milli.Az bildirir ki, bunu APA-ya Səhiyyə Nazirliyinin baş psixiatrı, Azərbaycan Tibb Universitetinin rektoru Gəray Gəraybəyli deyib.

Gəray Gəraybəyli psixologiyanın çox mürəkkəb və incə sahə olduğunu qeyd edərək, bir sözün insan psixologiyasına çox ağır zərbə vura bildiyini deyib: "Psixologiya son illər dünyada dəbdə olan istiqamətdədir. Müəyyən insanlar onu kommersiya, pul qazanmaq üçün istifadə edirlər. Əgər insana hansısa səhv dərman verilərsə, onu sonradan müəyyən etmək olur. Ancaq psixoloqun səhvini tutmaq mümkün deyil. İnsanlar elə bilirlər ki, kiminləsə danışmaq, həyatı barədə sual vermək psixoloji problemin həll edilməsi deməkdir. Xeyr, elə deyil. Ona görə də mən bu qanuna böyük ümid bəsləyirəm. Çünki yeni qanun bir çox məsələləri rəsmiləşdirməlidir. Psixoloqun təhsili olmalıdır, hansısa digər ixtisası qurtarmaq, 3 aylıq kurs keçəndən sonra psixoloq olmaq, ofis açmaq, 3-5 dəfə televiziyada çıxış edərək özünü reklam etmək psixoloji yardım deyil. Ona görə də psixoloji yardım da dövlət nəzarətində olmalıdır".

Milli.Az


Tags:  Baş psixiatr Ölkədə psixoloji yardım dövlət nəzarətində olmalıdır

RƏYLƏR


Top news