Aktual mövzular: Dollar alış-satışı , Hava haqqında, Məzənnə, Neftin qiyməti

TƏHLÜKƏ: Masazır qəbristanlığı gölə doğru axa bilər - FOTO

TƏHLÜKƏ: Masazır qəbristanlığı gölə doğru axa bilər - FOTO

Date: 2 November 2016 12:32

Bakının Zığ yaşayış massivində və Abşeron rayonunun Masazır qəsəbəsində yeni sürüşmə sahələri yaranıb.

Azərbaycan Milli Elmlər Akademiyasının (AMEA) Coğrafiya İnstitutunun Landşaftşünaslıq və landşaft planlaşdırılması şöbəsinin aparıcı elmi işçisi, coğrafiya üzrə elmlər doktoru Sitarə Tarixəzəri Trend-ə deyib ki, yeni sürüşmə sahələri Zığ yaşayış massivi və Masazır qəsəbəsindəki sürüşmə sahələrinin yaxınlığındadır.

S.Tarixəzəri bildirib ki, Masazır qəsəbəsinin qəbristanlığının yuxarı hissəsində çatlar yaranıb: "Əgər orada bərkitmə işləri aparılmasa, çatlar genişlənəcək və qəbirlər gölə doğru axacaq. Buna görə də həmin yerdə təcili tədbirlər həyata keçirilməlidir".

S.Tarixəzərinin sözlərinə görə, Zığ yamacındakı çatlar da genişlənib: "Zığda yamacda tikilən evlərdə kanalizasiya sistemi yoxdur. Həm bu səbəb, həm də son günlər ərzində havaların yağıntılı keçməsi həmin sahədə sürüşmənin çox aktivləşməsinə səbəb olub. Zığda təxminən 50 evdə çatlar yaranıb, evlərarası yolda isə bir çat əmələ gəlib".

S.Tarixəzəri hazırda həm Zığ, həm də Masazırda sürüşmə prosesinin aktiv olduğunu söyləyib.

Milli.Az
















Tags:  TƏHLÜKƏ Masazır qəbristanlığı gölə doğru axa bilər FOTO

RƏYLƏR


Top news