İraq ordusu görüntünün pis olması səbəbiylə Mosul şəhərinə giriş üzrə əməliyyatları dayandırıb.
Milli.Az report-a istinadən xəbər verir ki, bu barədə İraq Silahlı Qüvvələrinin briqada generalı Hayder Fadil məlumat verib.
İraq ordusu şəhərin şərqindəki mövqeləri nəzarət altında saxlayır. Amma yüksək rütubətlilik və buludluluq görüntünü azaltdığından təyyarə və dronlardan istifadə çətinləşib.
Hərbçilərin çərşənbə axşamı İŞİD terror qruplaşmasının nəzarətindən azad etdiyi Kokcalı rayonunda nadir hallarda atışma səsləri eşidilir, yaraqlılar tərəfdən ara-sıra artilleriya atəşləri açılır.
Milli.Az