Məşhur alt paltarı markası “Victorias Secret”-in maraqla gözlənilən şousunda bu il rusiyalı model İrina Şeyk də iştirak edəcək.
Publika.az Rusiya mətbuatına istinadən xəbər verir ki, “Victorias Secret” builki nümayişdə pərəstişkarlarına çoxlu sürprizlər təqdim edəcək. Dəfilə markanın tarixində ilk dəfə olaraq Parisdə göstəriləcək. Üstəlik, "mələklərin" siyahısında böyük dəyişikliklər olacaq. Belə ki, dəfilədə Bella Hadid və İrina Şeyk kimi modellər ilk dəfə iştirak edəcək.
Xarici KİV-in yazdığına görə, rus gözəli artıq bir neçə dəfə kastinqlərdən keçib, lakin ondan daim imtina ediblər. Amma uğur nəhayət ki, modelin üzünə gülümsəyib.
Qeyd edək ki, “Victorias Secre”-in möhtəşəm şousu dekabrın 5-də keçiriləcək.
Aytən 
