Aktual mövzular: Dollar alış-satışı , Hava haqqında, Məzənnə, Neftin qiyməti

VTB Bank: "Borc götürənlərin 60 faizi çətinliklərlə qarşılaşıb"

VTB Bank: "Borc götürənlərin 60 faizi çətinliklərlə qarşılaşıb"

Date: 2 November 2016 13:22

"VTB Bank (Azərbaycan) Azərbaycanın bank sisteminin əlavə kapitallaşdırılması üzrə tədbirləri zəruri addım hesab edir".

Milli.Az Trend-ə istinadən bildirir ki, bunu bankın Müşahidə Şurasının sədri Mixail Oseevski deyib.

Onun sözlərinə görə, Azərbaycanın bank sisteminin üzləşdiyi problemlər VTB Bank-dan da yan keçməyib.

M.Oseevski deyib: "Digər banklar kimi, biz də manatın məzənnəsinin zəifləməsi ilə əlaqədar problemlə üzləşdik. Bankların aktivlərinin böyük hissəsi - 80 faizi dollarda olduğu üçün milli valyutanın zəifləməsi nəticəsində borc götürənlərin 60 faizə yaxını öz öhdəliklərini yerinə yetirməkdə çətinliklərlə qarşılaşıblar".

M.Oseevskinin fikrincə, banklar mümkün itkilər qarşısında zəruri ehtiyatların formalaşdırılması üçün əlavə kapitala ehtiyac duyurlar.

Onun sözlərinə görə, VTB Bankın (Azərbaycan) məcmu kapitalı 50 milyon manatdan çoxdur və bütün tələblərə cavab verir.

M.Oseevski əlavə edib ki, 2017-ci ilin sonunadək səhmlərin əlavə emissiyasını həyata keçirmək planlaşdırılır.

Milli.Az


Tags:  VTB Bank Borc götürənlərin 60 faizi çətinliklərlə qarşılaşıb


RƏYLƏR


Top news