Aktual mövzular: Dollar alış-satışı , Hava haqqında, Məzənnə, Neftin qiyməti

"Space"in jurnalisti telekanaldan getdi - SƏBƏB

"Space"in jurnalisti telekanaldan getdi - SƏBƏB

Date: 2 November 2016 14:12

Vüqar Əliyev telekanaldakı işindən ayrılıb.

Milli.Az ölkə.az-a istinadən bildirir ki, artıq "Space TV"nin "Hər gün" informasiya proqramının bölgələr üzrə koordinatoru, jurnalist Vüqar Əliyev öz ərizəsi ilə işdən çıxıb.

Məsələni dəqiqləşdirmək üçün Vüqar Əliyevlə əlaqə saxladıq. O, işdən çıxdığını təsdiqləyib:

"Burada maaşlar verilmir, mən də məcbur qalıb yeni iş axtarmağa qərar verdim. Öz ərizəmlə işdən çıxdım. Hələ 2 ayımın əmək haqqını da telekanaldan almamışam, deyiblər, pul olanda veriləcək".

"Space TV"nin icraçı direktoru Kamil Şahverdiyev sözügedən sayta açıqlamasında bildirib ki, Vüqar Əliyev müqaviləsi bitdiyi üçün telekanaldan ayrılıb:

"Sizin saytda da kimsə işdən çıxır, kimsə gəlir. Kiminsə müqaviləsi bitir, vidalaşırıq, yaxud yenilərini işə qəbul edirik. Bu, normal iş prosesidir və qeyri-adi heç nə yoxdur. Vüqar Əliyevin də müqavilə müddəti bitdi, vidalaşdıq. Telekanalda ixtisarlar və maliyyə böhranı yoxdur. Əksinə, xeyli sayda yeni əməkdaşları işə qəbul etmişik. Kim işləyirsə qalır, kim işləyə bilmirsə, vidalaşırıq. Vüqarla dünən görüşmüşəm və demişəm ki, bu həftənin sonuna kimi gəl həm əməkhaqqını, həm də yekun haqq-hesabını al".

Xatırladaq ki, jurnalist Vüqar Əliyev "Space TV"-yə qədər "ATV", "ANS TV" və "Səs TV"-də çalışıb. 

Milli.Az


Tags:  Spacein jurnalisti telekanaldan getdi SƏBƏB

RƏYLƏR


Top news