Aktual mövzular: Dollar alış-satışı , Hava, Məzənnə, Neftin qiyməti

"Ölkəndə terrora qarşı mübarizə apara bilmirsən, amma qoçuluq etmək istəyirsən?"

"Ölkəndə terrora qarşı mübarizə apara bilmirsən, amma qoçuluq etmək istəyirsən?"

İsrailin Terrora qarşı mübarizə bürosu “Hapoel” azarkeşlərini Türkiyəyə getməməyə çağırıb (21 Fevral 2017 16:32)
"Azərbaycanda korrupsiyaya qarşı mübarizə yüksək səviyyədə aparılır" (20 Fevral 2017 12:22)

Tarix: 2 Noyabr 2016 15:12

"Öz ölkəndə terrora qarşı mübarizə apara bilmədiyin halda qoçuluq etmək istəyirsən?!"

Milli.Az report-a istinadən xəbər verir ki, bunu Türkiyənin xarici işlər naziri Mövlud Çavuşoğlu bildirib.
İraqın baş naziri Heydər əl-Abadinin İraqdakı Türkiyə əsgərlərini hədələyən açıqlamasına münasibət bildirən M.Çavuşoğlu deyib: "Biz cavab verəndə dost ölkələr sonra "biz onsuz da çətin vəziyyətdəyik, bizi pis vəziyyətdə qoymayın" deyirlər. Biz əvvəldən söyləyirik, hərbçilərimizi sərhədin o biri tərəfinə göndərməmişik. Terrorçu İŞİD bizim sərhədimizə gələ bilər. Bundan başqa, sərhədimizin o biri tərəfində 2 min PKK terrorçusu var. PKK qruplaşması dünyanın terrorçu təşkilatları siyahısındadır. İŞİD-ə qarşı göstərdiyi həssaslığı Sincar bölgəsində torpaqlar ələ keçirən və Süleymaniyyəni də məğlub etmək istəyən PKK-ya qarşı niyə göstərmirsən? Bizim tədbirlərimiz terror təhdidlərinə qarşıdır".

M.Çavuşoğlu qeyd edib ki, rəsmi Ankaranın bu istiqamətdəki fəaliyyəti İraq hökumətinə qarşı yönəlməyib: "Biz həm də İraqa köməklik göstəririk. Sən niyə pis niyyətlə düşünürsən? Biz İraqın dost və qardaş ölkə olduğunu deyirik. İraqın ərazi bütövlüyünü bizdən daha yaxşı dəstəkləyən yoxdur. Ayrılmaya meyili olanlara ən sərt mesajı biz verdik. O ki qaldı güc məsələsinə, o zaman sənin elə gücün vardısa, Mosulu niyə 6 gündə İŞİD-ə təslim etdin?! Əgər belə güclüsənsə, niyə PKK illərdir torpaqlarını işğal edir? Zəifsən, amma bəlağətlə danışıb, qoçuluq etmək istəyirsən. Bunlar isə bizim üçün boş şeydir. Biz əvvəlcədən də elan etdiyimiz tədbirləri görəcəyik" .
Qeyd edək ki, Heydər əl-Abadi növbəti dəfə Türkiyə hərbçilərinin İraqdan çıxmasını tələb edib. Baş nazir bildirib ki, bu baş verməzsə, türk hərbçilərini zorla İraq ərazisindən çıxarmağa gücləri çatacaq. 

Milli.Az


Teqlər:  Ölkəndə terrora qarşı mübarizə apara bilmirsən qoçuluq etmək istəyirsən



RƏYLƏR


Top xəbərlər