Azərbaycanlı aparıcı İradə Zeynalova Rusiyada yeni telekanala transfer olunub.
Axşam.az-ın "İnterfax" agentliyinə istinadən məlumatına görə, Rusiyanın Birinci kanalında "Bazar zamanı proqramını aparan İradə bundan sonra NTV-də işləyəcək,
NTV telekanalı xəbəri təsdiqləsə də, həmyerlimizin hansı proqrama aparıcılıq edəcəyini açıqlamayıb.
Xatırladaq ki, İ.Zeynalova 2012-2016-cl illərdə Rusiyanın Birinci kanalında aparıcılıq edib. O, jurnalist Aleksey Samolyotov ilə 10 il ailəli olub və 2015-ci ildə boşanıb. Aparıcı hazırda ikinci dəfə - hərbi müxbir Aleksandr Yevstiqneyev ilə ailə qurmağa hazırlaşır.