Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

"Azərişıq"dan Tolikə cavab: "Bəlkə, heç mənzilində işıq yoxdur?"

"Azərişıq"dan Tolikə cavab: "Bəlkə, heç mənzilində işıq yoxdur?"

Date: 2 November 2016 16:27

"Azərişıq" Açıq Səhmdar Cəmiyyəti prodüser Tolikin (Tarix Əliyev) ittihamlarına aydınlıq gətirib.

Milli.Az bildirir ki, qurumun mətbuat xidmətinin rəhbəri Tanrıverdi Mustafayev aznews.az-a açıqlamasında deyib ki, sözügedən quruma Tarix Əliyev adında abonentin şikayəti daxil olmayıb:

"Əvvala Tolikin yaşadığı evi mübarək olsun. Ancaq yaşadığı evin ünvanını da desin, biz bilək ki, həftədə 3 dəfə işıqları kəsilən yer haradır. Tolikin harada yaşadığını bilsək, işıqların kəsilmə səbəbini də araşdırarıq. Bəlkə, heç Tolikin mənzilində işıq yoxdur? Bir də Tolik kimə müraciət edib?"

T.Mustafayev hazırda Xırdalanın bütün ərazisində işıqların yandığını və bununla bağlı heç bir problemin olmadığını vurğulayıb.

Qeyd edək ki, prodüser Tolik (Tarix Əliyev) "Azərişıq" ASC-dən şikayətçi olduğunu dilə gətirib. O, Xırdalanda həftə ərzində işıqların 3 dəfə kəsildiyini bildirib. 

Milli.Az


Tags:  Azərişıqdan Tolikə cavab heç mənzilində işıq yoxdur

RƏYLƏR


Top news