Aktual mövzular: Dollar alış-satışı , Hava, Məzənnə, Neftin qiyməti

“Instagram” istifadəçiləri fotoşəkillərdə təsvir edilən məhsulları satın ala biləcəklər

“Instagram” istifadəçiləri fotoşəkillərdə təsvir edilən məhsulları satın ala biləcəklər

"Bakcell" abunəçiləri “Instagram”dan pulsuz istifadə edə bilərlər (03 Mart 2017 15:43)

Tarix: 2 Noyabr 2016 16:35

Populyar “Instagram” foto xidməti növbəti həftə istifadəçilərə fotoşəkillərdə təsvir edilən müxtəlif məhsulları əldə etməyə imkan verən yeni funksiyanın sınağına başlamağı planlaşdırır. Bu barədə “Instagram” saytında yerləşdirilən məlumatda deyilir.
 
“ICTnews” Elektron Xəbər Xidməti “NEWSru” resursuna istinadən yazır ki, ilkin mərhələdə yeni funksiyadan ABŞ-da xidmətin “iOS” əməliyyat sistemi üçün nəzərdə tutulan versiyasının məhdud saylı istifadəçiləri yararlana biləcək. Sınaqlarda “Kate Spade”, “Warby Parker” və “JackThreads” kimi məşhur 20 brendin iştirakı gözlənilir. Satışa çıxarılan mallar şirkətlərin profillərində yerləşən fotoşəkillərdə qeyd ediləcək, istifadəçilər isə fotoşəkilin aşağı sol küncündə müvafiq işarəni sıxmaqla məhsul barədə geniş məlumatın olduğu şəkillərə baxmaq imkanı əldə edəcəklər.
 
Seçdiyi məhsulu, məsələn, çanta və ya eynəyi almaq istəyən istifadəçi mağazanın saytına yönəldilərək alış üçün ödənişi orada edə biləcək.
 
Funksiyanın digər ölkələrdə nə vaxt istifadəyə veriləcəyi və “Android” mobil əməliyyat sistemli qurğu istifadəçilərinin ondan yararlana biləcəyi barədə məlumat verilmir.  
 
Nizam Nuriyev 



Teqlər:  Instagram istifadəçiləri fotoşəkillərdə təsvir edilən məhsulları satın ala biləcəklər



RƏYLƏR


Top xəbərlər