Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

"Adamları vurmamaq üçün özümü ölümə verdim" - 6 maşın toqquçdu - VİDEO - FOTO

"Adamları vurmamaq üçün özümü ölümə verdim" - 6 maşın toqquçdu - VİDEO - FOTO

Date: 2 November 2016 19:32

Paytaxtın Qaradağ rayonunda altı avtomobilin toqquşması ilə nəticələnən zəncirvari qəza baş verib.

ARB TV xəbər verir ki, hadisə Hacı Zeynalabdin Tağıyev qəsəbəsindən Sahil qəsəbəsinə gedən yolun 39-cu kilometrliyində  qeydə alınıb.

Elmir Bayramov "KamAZ" markalı avtomobillə hərəkətdə olarkən idarəetməni itirib. Nəticədə mişar daşla yüklü "KamAZ" aşıb. Həmin vaxt bir neçə avtomobilin sürücüsü hadisəyə baxmaq üçün nəqliyyat vasitəsindən düşərək yolun hərəkət hissəsində dayanıb.

Tamaşa isə həm özlərinə, həm də Sahil qəsəbəsi istiqamətində "KamAZ" markalı yük avtomobili ilə hərəkətdə olan Teymur Teymurluya baha başa gəlib. Çünki yük maşını idarəetmədən çıxaraq "QAZ 3110", "QAZ 2410" və  "VAZ 2107" markalı minik avtomobillərinə çırpılıb. Hadisə zamanı Raqif Şəfiyevə məxsus "İsuzu" markalı yük avtomobilinə də ziyan dəyib.

Teymur Teymurlu - "KamAZ"ın sürücüsü: "Məndən əvvəl yük maşını aşmışdı yolun ortasına. Yolun ortasına daş tökülmüşdü. Mən karyerdən çıxanda gördüm ki, adamlar var. Sağdan-soldan maşının işığı düşdü, adamları vurmamaq üçün maşınımı aşırdım, özümü ölümə verdim".

Rəşad İbişov - Şahid: "Camaatı vurmamaq üçün maşını sağa çəkdi. Sağa çəkəndə daş ələndi yola. Daşın üstünə çıxıb maşın aşdı. Maşın aşanda da digər maşınları biçə-biçə getdi. 30 minlik "KamAZ" məhv oldu".

Qəza zamanı xəsarət alan olmayıb. Yararsız hala düşən avtomobillər cərimə meydançasına aparılıb. Hadisə yerinə cəlb olunan DYP əməkdaşları qəzanın səbəblərini müəyyənləşdirirlər.

Milli.Az









Tags:  Adamları vurmamaq özümü ölümə verdim maşın toqquçdu VİDEO FOTO

RƏYLƏR


Top news