Bu gün UEFA Avropa Liqasının qrup mərhələsində növbəti oyunlar keçiriləcək.
Milli.Az apasport.az-a istinadən xəbər verir ki, təmsilçimiz "Qarabağ" da səfərdə PAOK-la qarşılaşacaq.
İki həftə əvvəl doğma meydanda bu rəqibinə 2:0 hesabı ilə qalib gələrək qrupdan çıxmaq şanslarını saxlayan ağdamlılar çətin səfərdən də heç olmasa 1 xalla dönərək ümidlərini davam etdirməyi arzulayır.
Əgər "Qarabağ" Yunanıstanda uduzmasa, nəinki 1/16 final üçün nəzəri şanslarını saxlayacaq, hətta əsas hədəf uğrunda inamlı addım da atmış olacaq. Üstəlik sərfəli nəticə həm də Bakıdakı hesabın təsadüfi olmadığının sübutu ola bilər.
Ağdamlıların ötən mövsüm "Yanq Boys"la oyundan bəri 7 matçdır ki, davam edən səfərdə qələbəsizlik seriyasına son qoyulması da ehtimallar arasındadı.
Lakin əyalət klubu üçün Saloniki səfəri asan olmayacaq. Güclü azarkeş dəstəyinə malik PAOK-a uduzmasa, ardıcıl 2 dəfə qrupda qalan "Qarabağ" 3-cü cəhddən mərhələni adlamaq istəyini reallaşdıra bilər.
Avropa Liqası
IV tur
3 noyabr
J qrupu
00:05. PAOK (Yunanıstan) - "Qarabağ"
Baş hakim: Con Biton
Baş hakimin köməkçiləri: Duqlas Potter, Alastair Mater
Əlavə köməkçi hakimlər: Steven Maklin, Donald Robertson
Dördüncü hakim: Şon Karr (hamısı Şotlandiya)
Hakim-inspektor: Darko Ceferin (Sloveniya)
UEFA nümayəndəsi: Gennadi Skurtul (Moldova)
Saloniki. "Tumba" stadionu
1. |
Fiorentina |
3 |
2 |
1 |
0 |
8:2 |
7 |
2. |
PAOK |
3 |
1 |
1 |
1 |
2:3 |
4 |
3. |
Qarabağ |
3 |
1 |
1 |
1 |
5:7 |
4 |
4. |
Liberets |
3 |
0 |
1 |
2 |
4:7 |
1 |
Milli.Az