Aktual mövzular: Dollar alış-satışı , Hava, Məzənnə, Neftin qiyməti

Yasamalda minaatan mərmi tapıldı - FOTO

Yasamalda minaatan mərmi tapıldı - FOTO

İşğaldan azad edilmiş kənddəki evlər təmizlənir - FOTO (05 Mart 2017 15:49)
Cocuq Mərcanlıda 1 ay ərzində aparılan təmizləmə əməliyyatının nəticələri açıqlandı - FOTO (05 Mart 2017 15:47)
Tovuzun kəndində 75 mərmi, 1 mina tapıldı (20 Fevral 2017 14:05)

Tarix: 3 Noyabr 2016 16:57

Bu gün Azərbaycan Respublikası Ərazilərinin Minalardan Təmizlənməsi üzrə Milli Agentliyi (ANAMA) tərəfindən Bakıda aşkar olunmuş Partlamamış Hərbi Sursatlar (PHS) haqqında məlumat açıqlanıb.

Milli.Az bildirir ki, Agentlikdən Trend-ə verilən məlumata görə, Yasamal rayonu, Şərifzadə küçəsində qazıntı işləri aparılan əraziyə FHN-nin Xüsusi Riskli Xilasetmə Xidmətinin minalardan təmizləmə üzrə çevik qrupunun mütəxəssisləri ilə birgə baxış keçirilib, 1 ədəd 82 mm-lik minaatan mərmi aşkar edilərək, zərərsizləşdirilməsi üçün FHN-nin Xüsusi Riskli Xilasetmə Xidmətinin minalardan təmizləmə üzrə çevik qrupunun mütəxəssisləri tərəfindən götürülüb.

Ümumilikdə Agentlik tərəfindən 7 Aprel - 03 noyabr 2016-cı il tarixlərində Zərdab, Tərtər, Ağcabədi, Ağdam, Bərdə, Füzuli, Goranboy, Tovuz, Qazax, Ağstafa, Samux, Göygöl, Şəmkir, Cəlilabad, Ucar, Astara, Salyan rayonlarında, Mingəçevir, Sumqayıt, Gəncə, Lənkəran, Şirvan və Bakı şəhərlərində 649 ev və həyətyanı sahə, 3 hərbi hissə, 2 kənd qəbiristanlığı, 5 kənd orta məktəbi, 1 tibb məntəqəsi, 1 metal anbarı, 30 ferma, əkin sahələri, 1 çaxır zavodu, 1 qoruq ərazisi və 1 çınqıl karxanası ərazisinə baxış keçirilib, 3 947 ədəd partlamamış hərbi sursat, 15 ədəd piyada əleyhinə mina (PMN), 3 ədəd piyada əleyhinə mina (POMZ-2), 2 ədəd piyada əleyhinə mina (OZM-72), 2 ədəd "siqnal minası" və 42 ədəd tank əleyhinə mina aşkar olunaraq zərərsizləşdirilib.

Milli.Az






Teqlər:  Yasamalda minaatan mərmi tapıldı FOTO



RƏYLƏR


Top xəbərlər