Aktual mövzular: Dollar alış-satışı , Hava haqqında, Məzənnə, Neftin qiyməti

Bu ölkə ilə ticarət dövriyyəsini 3 dəfə artırmaq olar

Bu ölkə ilə ticarət dövriyyəsini 3 dəfə artırmaq olar

Date: 3 November 2016 21:05

Bakıda keçirilən VII Azərbaycan-Rusiya regionlararası forumunda qeyd edildi ki, iki ölkə arasında dövlətlərarası münasibətlər yüksək səviyyədə olsa da, regionlar arasındakı əlaqələr o qədər də qaneedici deyil.

Bununla bağlı məsələni Milli.Az-a şərh edən Milli Məclisin İqtisadi siyasət, sənaye və sahibkarlıq komitəsinin üzvü Aydın Hüseynov bu fikirlə razı olduğunu bildirib.



Millət vəkilinin fikrincə, Azərbaycan ən azından Dağıstanla və Rusiyanın şimalındakı digər bölgələrlə əlaqələrini inkişaf etdirə bilər:

"Azərbaycanın Rusiya ilə əlaqələri tarixən olub və hətta biz Rusiya ilə uzun müddət eyni dövlətin tərkibində olmuşuq. Ona görə də ikitərəfli mədəni və iqtisadi əlaqələrimiz olub və bu gün də davam edir. Rusiya bizim şimal qonşumuzdur. Lakin bizim Rusiyanın qonşuluqdakı Dağıstan, Çeçenistan, Stavropol, Krasnodar və s. vilayətləri ilə daha çox coğrafi yaxınlığımız var. Bunların arasında Dağıstan Respublikası ilə bizim mənəvi və mədəni əlaqələrimiz, bəzi milli bağlılığımız var. Əlbəttə, mən çox istərdim ki, bizim məsələn, Dağıstanla iqtisadi əlaqələrimiz daha geniş və intensiv olsun. Çünki bizim ilk növbədə coğrafi yaxınlığımız var, ikincisi, Dağıstanla bizi bağlayan çox faktorlar var. Ona görə də mən hesab edirəm ki, Dağıstanın timsalında Rusiyanın müxtəlif regionları ilə mədəni, iqtisadi, turistik əlaqələrimizin genişləndirilməsi vacibdir".

A.Quliyev əməkdaşlığın konkret hansı sahələr üzrə inkişaf etdirilə biləcəyini də açıqlayıb: "Rusiya çox böyük dövlətdir və burada böyük neft ehtiyatları var. Azərbaycan da neft ölkəsi kimi tanınır. Ona görə də bu sahədə əməkdaşlığımızı genişləndirmək, yəni eyni mövqedən çıxış etmək olar. Eyni zamanda Rusiyanın özü ilə yanaşı, onun ayrı-ayrı regionları ilə, xüsusən iqtisadi münasibətləri daha da genişləndirmək mümkündür və mənə belə gəlir ki, buna nail olunacaq. Fikrimcə, Azərbaycanla Rusiya arasında hazırki ticarət dövriyyəsini ən azı 2-3 qat artırmaq mümkündür. Əvvəla, Azərbaycanın Rusiyanı kənd təsərrüfatı məhsulları ilə təmin etməsi təcrübəsi var, amma onun miyqasını daha da genişləndirmək mümkündür. Çünki hazırda Azərbaycanda aqrar sahənin inkişafı üçün böyük dövlət proqramları həyata keçirilir və prezident İlham Əliyevin tapşırığına əsasən, son zamanlar bu istiqamətdə çox böyük işlər görülüb. Bundan əlavə, Rusiya ilə sənaye, toxuculuq, turizm sahəsində böyük ikitərəfli əməkdaşlıq potensialı var. Rusiya vətəndaşlarının Azərbaycanda istirahət etməsi üçün çox gözəl şərait var. Bunda həm də bir nostalji var. Məncə, bu sahələrdə əməkdaşlığın inkişaf etdirilməsi daha real görünür. Bunun əsasında iqtisadi əlaqələrimiz daha da genişlənəcək. Həm Rusiyanın, həm də bizim indiki dövriyyəni ən azı 3 qat artırmaq potensialımız var".

İlkin İzzət

Milli.Az


Tags:  ölkə ticarət dövriyyəsini dəfə artırmaq olar

RƏYLƏR


Top news