Şəmkir rayon sakini ağacdan yıxılaraq ağır xəsarət alıb. APA-nın qərb bürosunun verdiyi məlumata görə, rayonun Çaparlı kənd sakini 1970-ci il təvəllüdlü Rafiq Qasımov bağında xurma yığan zaman ağacdan yerə yıxılıb. Sağ baldır nahiyəsinin açıq sınığı və müxtəlif bədən xəsarətləri ilə Şəmkir Mərkəzi Rayon Xəstəxanasına yerləşdirilib. Vəziyyətinin orta ağır olduğu bildirilir.
