Milli.Az bildirri ki, UEFA Avropa Liqasının qrup mərhələsində "Sent-Etyen"lə qarşılaşan "Qəbələ" 1:2 hesablı məğlubiyyətə üzülüb. Oyundan sonra "qırmızı-qaralar"ın yarımmüdafiəçisi Rəşad Eyyubov apasport.az-ın suallarını cavablandırıb.
- Oyun haqqında nə deyə bilərsiz?
- Rəqib səhvlərimizdən istifadə etdi və qollar vurdu. Başqa elə təhlükəli vəziyyətləri yox idi.
- "Sent-Etyen" məcbur edirdi ki, "Qəbələ" səhv etsin, bəs "Qəbələ" niyə əksini edə bilmədi?
- Elə deməzdim. Onların da səhvləri var idi. Bizim də yaxşı imkanlarımız oldu. Vurduğumuz qolda da qapıçıları səhv etmişdi.
- Necə düşünürsən, oyunun qırılma nöqtəsi Poqbaya qırmızı vərəqə verilməməsi ola bilərmi?
- Məncə də o vəziyyətdə təmiz qırmızı vərəqə olmalı idi.
- Qalan iki oyunda əsas motivasiyanız nə olacaq?
- Bundan sonra ancaq imic üçün oynayacağıq. Bacardığımız qədər xal toplamaq istəyirik.
- Artıq qrupdan çıxmaq şansınız qalmayıb. Bundan sonra təzyiq olmayacaq və daha rahat oynayacaqsız...
- Əlbəttə, daha rahat oynayacağıq. Ancaq çalışacağıq ki, qələbə qazanaq.
Milli.Az
