Türkiyə parlamentinin vitse-spikeri saxlanılıb

Türkiyə parlamentinin vitse-spikeri saxlanılıb
09:42 4 Noyabr 2016
18 Dünya
Ölkə mətbuatı
A- A+

Türkiyə Böyük Millət Məclisinin vitse-spikeri Pərvin Buldan bir qədər əvvəl həbs olunan  kürdyönümlü Xalqların Demokratik Partiyasının (HDP) həmsədrləri və deputatları ilə birlikdə Ankarada saxlanılıb.

Milli.Az APA-ya istinadən bildirir, bu barədə "RİA Novosti"yə HDP partiyasının nümayəndəsi bildirib.
 
Məlumata görə, saxlanılma terrorçu fəaliyyətinin istintaqı çərçivəsində həyata keçirilib. Pərvin Buldan PKK ilə əlaqəsi olmaqda şübhəli bilinir. Xatırladaq ki, P.Buldan 2013-cü ildə İmralı adasındakı həbsxanada ömürlük həbs cəzası çəkən PKK lideri Abdulla Ocalana baş çəkib.  
 
Qeyd edək ki,  HDP həmsədrləri Səlahəddin Dəmirtaş və Figen Yüksəkdağ ötən gecə həbs olunublar.
 
Onlardan başqa Türkiyə parlamentinin DHP üzvü olan 11 deputat da saxlanılıb. Onların arasında Ziya Pir, Ferhat Encü, Leyla Birlik, Selma Irmak, Abdullah Zeydan, İdris Baluken, Nursel Aydoğan, Gülser Yıldırım və partiya həmsədrinin müavini Sırrı Sürəyya Öndərin olduğu bildirilir.
 
Həbslər Ankara, Diyarbəkir  Mardin və  digər şəhərlərdə keçirilib. 
 
DHP  PKK terror təşkilatını dəstəkləməkdə ittiham edilir.

Milli.Az


Xəbərin orijinal ünvanı: http://news.milli.az/world/486115.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR