Aktual mövzular: Dollar alış-satışı , Hava, Məzənnə, Neftin qiyməti

Türkiyə səfirliyinin təhsil müşaviri BANM-də

Türkiyə səfirliyinin təhsil müşaviri BANM-də

Əfqanıstan universitetinin nümayəndələri BANM-də olub (28 Fevral 2017 11:17)
BANM tələbələrini Yunanıstana göndərir (23 Fevral 2017 12:05)
BANM tələbələrini Yunanıstana göndərəcək (23 Fevral 2017 11:47)

Tarix: 4 Noyabr 2016 10:52

Bakı Ali Neft Məktəbinin (BANM) rektoru Elmar Qasımov Türkiyə Respublikasının Azərbaycandakı səfirliyinin təhsil üzrə müşaviri cənab Əbdülqafur Böyükfırat və müşavirin müavini Faiq Bayramovla görüşüb.

BANM-dan Milli.Az-a verilən məlumata görə, rektor Elmar Qasımov qonaqları salamlayaraq onları BANM-də görməkdən məmnunluğunu bildirib. Rektor rəhbərlik etdiyi ali təhsil müəssisəsinin tarixinə nəzər salaraq Ali Məktəbdə qısa müddət ərzində görülən işlər və islahatlar haqqında ətraflı məlumat verib. Elmar Qasımov BANM-də tədris prosesi, tələbələr üçün yaradılan şərait və beynəlxalq əlaqələrdən söz açıb.

Türkiyə Respublikasının Azərbaycandakı səfirliyinin təhsil üzrə müşaviri cənab Əbdülqafur Böyükfırat səmimi qəbula görə təşəkkür edib. Əddülqafur Böyükfırat BANM-in Türkiyə universitetləri ilə əməkdaşlığının gələcək inkişaf perspektivləri barədə danışıb.

Görüşdə, BANM ilə Türkiyə ali təhsil müəssisələri arasında əlaqələr, həmçinin BANM-in YÖK-lə əməkdaşlığı məsələləri ətrafında fikir mübadiləsi aparılıb.

Milli.Az


Teqlər:  Türkiyə səfirliyinin təhsil müşaviri BANM-də



RƏYLƏR


Top xəbərlər