Bakının Nardaran qəsəbəsindəki "Rəhimə xanım" ziyarətgahına təbii qaz verilib.
Milli.Az bildirir ki, bu barədə Trend-ə "Azəriqaz" İstehsalat Birliyinin mətbuat xidmətinin əməkdaşı İbrahim Kərbəlayev bildirib.
Qurum rəsmisi bildirib ki, ziyarətgah bu gün qanuni yolla abonent kimi qeydiyyata alınıb və obyekt sayğaclaşdırılıb: "Sayğaclaşma prosesi başa çatandan sonra ziyarətgaha təbii qaz verilməsinə başlanıb".
Xatırladaq ki, Nardaran qəsəbəsinin qazlaşdırılması sistemi yenidən qurulanda "Rəhimə xanım" ziyarətgahının sənədləri qaydasında olmadığı üçün obyektə qaz verilişi dayandırılmışdı.
Milli.Az
