"Avropada Azərbaycan futbolu müzakirələrə səbəb olub"

"Avropada Azərbaycan futbolu müzakirələrə səbəb olub"
19:52 4 Noyabr 2016
125 İdman
Ölkə mətbuatı
A- A+

Fəzadan çəkilmiş bu görüntü müzakirələrə SƏBƏB OLDU - FOTOLAR (13 May 2017 12:03)
"Qalatasaray" "Beşiktaş"a necə "ilişdi"? - FOTOFAKT (21 Aprel 2017 11:07)
Azərbaycan millisinin növbəti rəqibi müəyyənləşdi (10 Aprel 2017 23:34)

Futbol üzrə Azərbaycan milli komandasının baş məşqçisi Robert Prosineçki noyabrın 11-də səfərdə Şimali İrlandiya yığması ilə keçirəcəkləri oyun öncəsi socar.az-ın suallarını cavablandırıb. 

Milli.Az xəbər verir ki, məlumatına görə, xorvatiyalı mütəxəssis rəqibi güclü komanda kimi dəyərləndirib.

O bildirib ki, şimali irlandiyalı futbolçuların çoxu İngiltərənin müxtəlif klublarında oynayır. Bununla belə, R.Prosineçki sonadək mübarizə aparacaqlarını söyləyib: "Vaxt baxımından bütün yığmalarda hazırlıqla bağlı problemlər olur. Buna avrokubok matçları da təsir edir. Son nəticələrə görə, hər bir klubda oynayan futbolçu milliyə gəlmək, millidə oynayan futbolçular isə qalmaq istəyir. Şimali İrlandiya güclü komandadır. Futbolçuları İngiltərənin müxtəlif klublarında oynayırlar. Futbolda əsas məqsəd hər dəfə daha gözəl oyun nümayiş etdirməkdir. Uzunmüddətli məqsəd çempionatın final mərhələsinə vəsiqə qazanmaqdır. Favorit Almaniyadır, lakin biz də şans uğrunda sona kimi vuruşacağıq. Hazırda ilkin mərhələdə olsaq da, hələ məğlub olmamışıq".

Təcrübəli mütəxəssis yığmanın son uğurlarını isə belə əsaslandırıb: "Bu komanda təkcə son üç oyundan yox, ondan öncə də Norveçlə səfər oyunundan Bakıya yaxşı nəticə ilə qayıtmışdı. Güclü Xorvatiya millisinə qarşı Bakıda yaxşı oyun nümayiş etdirdik. Ancaq bu, bizim iki ildir sürən fəaliyyətimizin son nöqtəsi deyil. Biz hər zaman daha böyük uğurlar əldə etməyə can atırıq. Gənc, perspektivli oyunçuları komandaya cəlb etmək, kollektivdə yaxşı ab-hava, nizam-intizam yaratmaq lazımdır ki, müvəfəqiyyətlər davamlı olsun. Komandaya yeni gələndə qarşıma qoyduğum ən prioritet məsələ futbolçuların düşüncəsini, oyun mentalitetini dəyişmək idi. Ən böyük problemlərdən biri o idi ki, futbolçular indiyə kimi güclü rəqiblərlə qarşılaşanda ən böyük məqsəd olaraq, böyük hesabla məğlub olmamağı düşünürdülər. Elə işin də ən zəruri tərəfi oyuçulara özünəinam hissini aşılamaq idi".

R.Prosineçki bildirib ki, yığma üzvləri özlərinin də yaxşı futbolçu olduqlarını güclü rəqiblərə qarşı gözəl futbol oynaya bildiklərini anlamalıdırlar. Üstəlik, komandaya və oyunçulara inam olmalıdır: "Mənim inamım kifayət deyil, komandaya eyni zamanda mətbuat, azarkeşlər və bütün ölkə inanmalıdır. Bizim oyunçular da bu inamı öz oyunları ilə doğrultmalıdırlar".

Baş məşqçinin fikrincə, ikiillik müşahidələri Azərbaycan futbolunda xeyli inkişafın olduğunu göstərib: "İki ildir "Qəbələ", üç ildir "Qarabağ" Avropa Liqasının qrup mərhələsinə vəsiqə qazanır. Biz Avroliqanın tanınmış komandalarını və oyunçularını burada görə bilirik. Azərbaycan milli komandası DÇ-2018-in seçmə mərhələsi çərçivəsində son üç oyun ərzində göstərdiyi uğurlu nəticə - 2 qələbə, 1 heç heçə sayəsində 7 xal toplayaraq qrupda ikinci pillədə qərarlaşıb. Bunlar da son illərdə futbolun inkişaf etdirilməsi istiqamətində görülən işlərin nəticəsidir".

Lakin R.Prosineçkinin sözlərinə görə, bu uğurlarla kifayətlənmək olmaz. Baş məşqçi bildirib ki, daha uğurlu nəticələrin əldə olunmasından ötrü bu işlər yenə də davam etdirilməlidir: "Son 2 ildə AFFA və Bakcell-in birgə layihəsi əsasında "Mançester Yunayted" məktəbi Azərbaycanda fəaliyyət göstərir. Orada istedadlı futbolçular yetişir. Oyunçularımız böyük turnirlərdə iştirak edirlər. Artıq Azərbaycan adı səslənəndə hər kəs hörmətlə yanaşır. Rəqiblər bilirlər ki, Azərbaycana qarşı futbol oynamaq heç də asan deyil".

Xorvatiyalı mütəxəssis görüşlər zamanı stadionların tam dolu olması arzusunu da ifadə edib: "Məsələn, ötən dəfə "Qarabağ" - "Neftçi" qarşılaşmasını canlı izləyirdim. Açığı, stadionda izdiham gözləsəm də, görüşə çox az sayda azarkeş qatılmışdı. Bir faktı da deyim, müşahidələrim göstərir ki, bizdə stadionun dolması əksər hallarda rəqib komandaya bağlı olur. Məsələn, 2017-ci ilin martında Almaniya ilə oyunumuz baş tutacaq. Əminəm ki, həmin matçda stadion tam dolacaq. Məncə, əsl azarkeş öz sevimli komandasına kimlə qarşılaşmasından asılı olmayaraq, hər zaman stadiondan can-başla dəstək olmalıdır. Arzu edərdim ki, Azərbaycan millisinə də dəstək bu formada olsun".

R.Prosineçki Azərbaycan futbolunun üstünlüklərini də sadalayıb: "Dünyanın hər yerində bu sahədə ən vacib məsələ istedadlı uşaqlar, uşaq futbol məktəbləridir. Azərbaycanda bunlar mövcuddur. Uşaqların üzərində səylə işləməklə, məşq etməklə uğur əldə etmək olar. Ancaq ən birinci həmin istedadlı uşaqları araşdırıb tapmaq lazımdır. Azərbaycan futbolu, hələ ki, öz imkanlarını tam istifadə edə bilməyib. Mən milliyə gəldikdə ilk növbədə gənc və istedadlı oyunçulara şans verdim ki, onlar öz bacarıqlarını göstərsinlər. Son vaxtlar da onların meydanda göstərdiyi oyun fiziki cəhətdən hazırlıqlı olduqlarına əyani sübutdur. Klub futboluna gəldikdə, "Qarabağ" iki dəfə az qala Çempionlar Liqasının qrup mərhələsinə vəsiqə qazanacaqdı. Bir az bəxtləri gətirmədi. Yenə qeyd edirəm, bizim "Qarabağ" və "Qəbələ" klubları qrupa vəsiqə qazanmaqla göstərirlər ki, Azərbaycanda istedadlı futbolçular var. Onların üzərində işləmək lazımdır ki, müvəfəqiyyətli nəticələr bol olsun".

Xorvatiyada milli komandaya o qədər də vəsaitin xərclənmədiyini deyən R.Prosineçki buna baxmayaraq, ölkə futbolçularının dünyanın aparıcı klublarında çıxış etdiklərini vurğulayıb. Baş məşqçinin fikrincə, bu, istedadlı oyunçuların çoxluğu ilə əlaqədardır: "Burada istedad çox vacib amildir. Sözsüz ki, klubların və milli komandanın çıxışları da oyunçulara təkan verir, bu da futbola olan marağı artırır. Son illərdə "Qarabağ" və "Qəbələ" Avropa Liqasının qrup mərhələsinə vəsiqə qazanıblar. Azərbaycan millisi, son ayı götürsək, çox uğurla çıxış edərək qənaətbəxş nəticələr əldə edir. İnfrastruktur baxımından SOCAR və AFFA tərəfindən böyük işlər görülüb, yeni meydançalar tikilib. Bu da onu göstərir ki, infrastruktur baxımından futbolun inkişafı üçün problemlər yoxdur. Düşünürəm ki, Azərbaycanın nə vaxtsa dünya və yaxud Avropa çempionatının final mərhələsinə vəsiqə qazanması çox böyük nailiyyət olardı. Yığmada oynayan futbolçuların dünyanın ən tanınan, ən güclü komanda və oyunçuları ilə üzbəüz mübarizə aparması həm futbolçularda, həm də azyaşlı uşaqlarda böyük motivasiyaya səbəb ola bilər".

Baş məşqçi Azərbaycan yığmasında üstünlük verdiyi oyun üslubundan da danışıb: "Futbolda ən əsas faktor mübarizə əzmidir. Biz baxımlı, əzmli futbol nümayiş etdirmək istəyirik ki, azarkeşlər bizim oyundan zövq alsınlar. Sözsüz, bu, həmişə alınmır. Rəqibdən də çox şey asılıdır. Hər halda fəlsəfəm belədir ki, biz yalnız müdafiə oyunu və yaxud qabağa top vuraraq təsadüfi nə alınar-alınmaz yox, arxa xətdən ağıllı hücumlar qurub texnikalı futbol nümayiş etdirməliyik. Təbii ki, soruşsanız, deyərəm ki, Azərbaycan heç vaxt Braziliya olmayacaq. Çünki onların 200 milyondan çox əhalisi var, orada hər uşaq səhərdən axşamadək dəniz qırağında futbol oynayır. Azərbaycanda belə olmasa da, məqsədim öz üzərimizdə işləyərək daha baxımlı oyun göstərmək, mübarizə əzmimizi artırmaqdır. Biz istəyirik ki, Azərbaycana gələn hər bir yığma bizim asanlıqla təslim olmayacağımızı bilsin. Rəqiblər bizə qalib gəlmək üçün var gücü ilə mübarizə aparmalı olduqlarını anlamalıdırlar".

R.Prosineçki hansısa məktəbə uyğun futbol oynamağı nümunə götürmədiyini, özündə olan futbolçu materialı ilə işlədiyini söyləyib: "Yığmamızda oyunçu potensialı keyfiyyətlidir, fubolçuların durumundan çox razıyam. Gəlin, açıq danışaq, bir neçə il əvvəl Azərbaycan futbolundan o qədər də müsbət danışmırdılar. Ancaq seçmə mərhələnin son üç tur oyunlarından sonra artıq Avropada Azərbaycan futbolu müzakirələrə səbəb olub. Mənə elə gəlir ki, bu, çox böyük uğurdur, biz bununla sevinir və fəxr edirik. Yenə də qeyd edirəm, iş bununla bitmir, biz daha çox işləməliyik ki, öz futbol stilimizi heç bir məktəblə müqayisə etməyək və mövcud futbolçu potensialından istifadə edərək öz oyun tərzimizi sərgiləyək".

Milli komanda barədə nikbin fikirdə olduğunu deyən təcrübəli mütəxəssis gələcək uğurları daha çox azarkeşlərdən - "12-ci oyunçu"dan asılı sayıb. Onun fikrincə, klubların sayı və onlara maraq artsa, futbolçuların beynəlxalq çempionatlarda uğurlu çıxışları davamlı olacaq.

R.Prosineçki ailəsinin də Azərbaycanda yaşamaqdan məmnun olduğunu söyləyib: "Deyə bilmərəm, başqa ölkələr necədir. Amma ailəmlə burada yaşayırıq və çox məmnunuq. Uşaqlarım burada məktəbə gedirlər. Gözəl ölkədir, insanlar gözəldirlər, burada həm özüm, həm də ailəm özünü yaxşı və rahat hiss edir. Bakı böyük və təhlükəsiz şəhərdir. Ləziz mətbəxiniz var və bu, mənim çox xoşuma gəlir. Sakinləri istiqanlıdır, həmişə kömək etməyə çalışırlar. Bəzən ingilis dilinə görə çətinliyim olur, amma yenə də insanlar hər hansı bir şəkildə kömək etməyə çalışırlar. Futbola təzyiq bütün ölkələrdə böyükdür, Azərbaycanda bu təzyiq, bəlkə də, daha böyükdür, amma buna hazır olmaq lazımdır. Çox şadam ki, buradayam, şikayətim yoxdur, çox razıyam. İşdən kənar vaxtım az olur, onu da çalışıram, ailəmlə birlikdə keçirim. Bakıda çox görməli-gəzməli yerlər var, çox gözəl şəhərdir. Futboldan başqa yeganə hobbim ailəm olduğu üçün boş vaxtımı daha çox onlarla keçirirəm".

Milli.Az

RƏYLƏR

OXŞAR XƏBƏRLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Suriya qoşunları Hələbin 12 kəndini İŞİD-ən azad edib

28 May 2017 01:37

Səyyahlar üçün mebel - FOTO

28 May 2017 01:32

Nömrəni səhv yığdı, xoşbəxt oldu

28 May 2017 01:29

Putinlə Ərdoğan telefonla danışdı

28 May 2017 01:28

Hər gün 5 alma çəyirdəyi yeyin

28 May 2017 01:09

Ermənistanda gömrük məntəqəsinin rəisi həbs edildi

28 May 2017 01:03

İtaliyada G7 sammitinə etiraz edənlərlə polis arasında toqquşma olub

28 May 2017 01:02

Azərbaycanda 28 May

28 May 2017 00:42

G7 sammiti başa çatdı

28 May 2017 00:38

Ən çox milyarderi olan ölkələr

28 May 2017 00:16

Astroloji proqnoz - 28 may

28 May 2017 00:13

Azərbaycan Xalq Cümhuriyyəti 98 yaşında

28 May 2017 00:07

“NATO PA-da növbəti dəfə erməni yalanının şahidi olduq” - Siyavuş Novruzov

28 May 2017 00:05

İtalyan model Silviya - FOTO

28 May 2017 00:05

Günün qoroskopu: ünsiyyət üçün əla gündür

28 May 2017 00:05

Böyük məbləğə satılan 15 qəribə rəsm əsəri - FOTO

28 May 2017 00:05

Oruc tutan şəxslər idmanla məşğul ola bilər?

27 May 2017 23:57

Alimlər keçəlliyin səbəbini tapdılar

27 May 2017 23:57

Facebook-a bağlılığınız uşaqlarınıza mənfi təsir edir

27 May 2017 23:57

Keçmiş senator həyatını itirdi

27 May 2017 23:54

İftarda ərik suyu için

27 May 2017 23:52

Putin və Ərdoğan arasında telefon danışığı olub

27 May 2017 23:47

“Həzrət Davudun (ə) orucu” nə deməkdir?

27 May 2017 23:47

Kamran Ağayev "Amkar" klubuna keçə bilər

27 May 2017 23:43

Oruc tutanlar bu xəbəri mütləq oxuyun! - həkim məsləhəti

27 May 2017 23:42

Moruqla müalicə olunmaq üçün 5 resept

27 May 2017 23:37

"Arsenal" 13-cü dəfə İngiltərə Kubokunun sahibi olub

27 May 2017 23:37

Serial ulduzu kurortda istirahət edir - FOTO

27 May 2017 23:32

Yeniyetmə avarçəkənimiz Avropa çempionatında finala çıxdı

27 May 2017 23:32

Bülənt Ərsoyu kobranın sancdığı görüntülər ortaya çıxdı

27 May 2017 23:30

Bülent Ersoyu kobranın vurduğu anlar ortaya çıxdı - VİDEO

27 May 2017 23:27

Bu 11 qidanı soyuducunun buzluğunda saxlamaq olmaz

27 May 2017 23:27

Ramazan ayında niyə xurma yeyilir?

27 May 2017 23:22

“Arsenal” mövsümü kubokla bitirdi

27 May 2017 23:17

Orucu neçə yaşından tutmaq vacibdir?

27 May 2017 23:17

Bıçağınız kütdür?

27 May 2017 23:13

Özlərini dəyişən adamların şousu başlanır - FOTO

27 May 2017 23:12

Ərəb biznesmen Trampın evli qızına elçi düşdü

27 May 2017 23:12

Qaxda 9-cu sinif şagirdini maşın vurdu

27 May 2017 23:12

“Qarabağ”dan tarixi ilk

27 May 2017 23:12

İsti Ramazan ayında susuzluq ilə necə mübarizə aparmalı?

27 May 2017 23:12

“Yuventus”dan səfər qələbəsi - YENİLƏNİR

27 May 2017 23:12

Qəfil gələn ƏCƏL ZƏNGİ - Qusarda bədbəxt hadisə

27 May 2017 23:08

Azərbaycanın Respublika Günü Macarıstanda qeyd olunub

27 May 2017 23:05

Həşəratlardan qurtulmaq üçün ev üsulları

27 May 2017 22:57

"Arsenal" mövsümü kubokla başa vurdu

27 May 2017 22:57

Birinci vitse-prezident Mehriban Əliyeva Milli Aviasiya Akademiyası və ADA Universitetinin Respublika Günü münasibətilə birgə tədbirində iştirak edib (FOTO)

27 May 2017 22:55

Türkiyədə zəlzələ

27 May 2017 22:53

Adınızın baş hərfi sizinlə bağlı hansı sirləri gizlədir... - YOXLAYIN

27 May 2017 22:52

Ramazan ayında qida rasionunda nələrə diqqət edilməlidir?

27 May 2017 22:52