Aktual mövzular: Dollar alış-satışı , Hava haqqında, Məzənnə, Neftin qiyməti

"Tələbat olmasaydı, saxta markalar da satışda olmazdı"

"Tələbat olmasaydı, saxta markalar da satışda olmazdı"

Date: 5 November 2016 10:27

Azərbaycanda hələ də bir sıra brend malların saxta, əsl olmayan məhsulları satılır. Milli.Az movqe.az-a istinadən bildirir ki, belə saxta mallara müəyyən çeşidli mal və məhsullarda rast gəlmək mümkündür. 

Bu nədən qaynaqlınır və problem necə həllini tapmalıdır?

"Azad İstehlakçılar" İctimai Birliyinin sədri Eyyub Hüseynovun fikrincə, ümumiyyətlə, saxta məhsulların satılmasının kökündə ölkədə istehlakçı hüquqlarının lazımınca qorunmaması dayanır: 

"Ölkədə istehlakçı hüququ formalaşmalıdır. 1995-ci ildən "İstehlakçı Hüquqlarının Qorunması haqqında" qanun qəbul olunub.  Ondan sonra qanuna 6 dəfə dəyişiklik edilib. 

Ölkədə mükəmməl istehlakçı siyasəti olmalıdır. Cənab prezident hələ 2011-ci ilin 16 yanvarında Nazirlər Kabinetinin yığıncağında demişdi ki, ölkədə şişirdilmiş qiymətlər hökm sürür, istehlakçı hüquqları pozulur. Bu istiqamətdə dövlət başçısı müvafiq dövlət orqanlarına tapşırıqlar da verdi. Lakin həmin müvafiq dövlət orqanları istehlakçıların sağlamlığına yönəlik prezident tərəfindən verilən tapşırıqlara tam olaraq əməl edə bilmirlər. Həmçinin azad bazar şəraitindən bir çox biznes qurumlarının sui-istifadə etməsinin nəticəsində mal və məhsulların saxtaları da dövriyyəyə buraxılır. Gürcüstanla zəif Ermənistan malların milli dildə markalanması məsələsini çoxdan həll ediblər. Amma Azərbaycanda bazarda mövcud olan malların 60 faizi milli dildə marka olmadan satılır.  

800-ə qədər mal xidmət sertifikatı olmadan satılır. Yəni, bunları deməklə bildirmək istəyirəm ki, işlər, təəssüf ki, istehlakçıların zərərinə gedir. Belədə saxta malların geniş yayılmasının qarşısını qanunlarda olan boşluqlarda, həmin qanunların istehlakçı hüquqlarını tam olaraq qoruya bilməməsində axtarmaq lazımdır. Ona görə də qanunlar mükəmməl olmalı, istehlakçı hüquqlarının qorunması mükəmməl səviyyəyə çatdırılmalıdır. Həmçinin cənab prezidentin dediyi kimi, ictimai nəzarət gücləndirilməlidir. "Azad İstehlakçılar Birliyi" keçən ayın 19-dan ictimai dəstəklə bağlı çağırışlara dəstək aksiyasına başlayıb.  Rayonlarda iş aparacağıq ki, insanlar brend malların saxtasını görəndə müvafiq dövlət orqanlarına, məhkəmələrə müraciət etsinlər. Yəni prezidentin çağırışlarına ictimai dəstək vermək lazımdır ki, belə məsələlərin kökü kəsilsin".

Müstəqil iqtisadçı ekspert Yaşar Əsədov saxta məhsullara qarşı mübarizənin iki yolunun olduğunu dedi: "Ya saxta malların ölkəyə gətirilməsi və istehsalına birdəfəlik ciddi qadağalar qoyulmalıdır.  Yaxud da insanlar özləri saxta məhsul ietehsalının qanundankənar olduğunu qəbul etməlidirlər.  Azərbaycanda da hazırda dünyada olduğu kimi bütün iqtisadiyyat bazar prinsipləri üzərində fəaliyyət göstərir. Bu əsasda, görünür, tələbat olduğundan həmin brend məhsullarının saxtaları da meydana çıxır. 

Tələbat olmasaydı, təbii ki, belə saxta markalar da satışda olmazdı. Belə  malların keyfiyyəti aşağıdır. Lakin ölkədə elə təbəqələr var ki, keyfiyyətin aşağı olması, saxta mal olmasına baxmayaraq, onu əldə etmək həmin qrup insanlar üçün xoşdur. Çünki keyfiyyət aşağı olsa da, qiymətlərin də brend mala nisbətən xeyli ucuz olması bir çox təbəqələri qane edir. Məhz müəyyən qrup təbəqənin tələbatı üzündən bazarda saxta mallara da rast gəlməkdəyik". 

Milli.Az


Tags:  Tələbat olmasaydı saxta markalar satışda olmazdı

RƏYLƏR


Top news