Aktual mövzular: Dollar alış-satışı , Hava haqqında, Məzənnə, Neftin qiyməti

Heyvanlara görə 200 manat cərimələndilər - Azərbaycanda

Heyvanlara görə 200 manat cərimələndilər - Azərbaycanda

Date: 5 November 2016 12:09

Cari ilin 9 ayı ərzində məişət tullantılarını tutumlardan (urnalardan) kənar yerlərə atdıqlarına görə 535 nəfər inzibati məsuliyyətə cəlb edilib.

 

Daxili İşlər Nazirliyinin ( DİN) mətbuat xidmətindən Lent.az-a verilən məlumata görə, həmin şəxslərə ümumilikdə 23.000 manatdan artıq cərimələr tətbiq olunub.

 

Bu ilin oktyabr ayı ərzində paytaxtın Yasamal, Səbail və Xəzər rayonları ərazilərində analoji hüquqpozmalara yol vermiş 3 nəfər barəsində isə 13.550 manat məbləğində cərimələr tətbiq olunub.

 

Həmçinin, ev heyvanlarını qadağan olunmuş yerlərdə gəzdirdiklərinə görə də 3 nəfərin hər biri 200 manat məbləğində cərimələniblər.

 

Hazırda göstərilən istiqamətlərdə tədbirlər davam etdirilir.

 

 

Qeyd edək ki, Daxili İşlər Nazirliyi Ekologiya və Təbii Sərvətlər Nazirliyi ilə birgə respublikanın şəhər və rayonlarında, meşə, park, müalicə-sağlamlıq, turizm zonalarının ərazilərində, su mənbələrinin və mineral bulaqların sanitar mühafizə zonalarında, Xəzər dənizinin sahil zolağında və çimərliklərdə məişət tullantılarının tutumundan (urnalardan) kənar yerlərə atılması, sənaye və məişət tullantılarının qalaqlanması, su obyektlərinin çirklənməsi və zibillənməsi hallarının qarşısının alınması məqsədilə mütamadi tədbirlər həyata keçirir.

 

 


Tags:  Heyvanlara 200 manat cərimələndilər Azərbaycanda


RƏYLƏR


Top news