Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Windows-lu unikal smartfon göstərildi

Windows-lu unikal smartfon göstərildi

Date: 5 November 2016 19:17

Virtual reallıq texnologiyasını dəstəkləyən "Windows" sistemi ilə işləyən "Alcatel Idol 4S" adlı ilk smartfon təqdim edilib. "Microsoft" şirkətinin qabaqcıl qurğusunun tədarük dəstinə virtual reallıq eynəyi də daxil ediləcək.

Milli.Az ICTnews-a istinadən bildirir ki, 2.15 QHs takt tezlikli dördnüvəli "Qualcomm Snapdragon 820" prosessoru və "Adreno 530" qrafik bloku ilə təchiz edilmiş yeni qurğu "Windows 10 Mobile" əməliyyat sistemi ilə işləyir. 5.5 düymlük diaqonala malik "AMOLED" texnologiyası ilə hazırlanmış displeyin təsvir ölçüsü 1920x1080 pikseldir və kənar hissələrinə "Dragontrail" qoruyucu şüşəsi qurulub.

Aparat, həmçinin 4 QB əməli yaddaş, 64 QB-lıq fləş daşıyıcı, "microSD" çıxarılıb taxılan yaddaş kartları üçün slot, ikiqat "LED" işıqlandırıcısına malik 21 meqapiksellik "Sony IMX230" kamerası, 8 meqapiksellik ön kamera və 1.2 Vatt gücündə iki ədəd stereodinamikə malik "Hi-Fi" audiosisteminə malikdir.

Cihazı blokdan çıxarma və internetdə pul tranzaksiyalarının təsdiqlənməsi üçün barmaq izinin autentifikasiyası dəstəklənir. 3000 milliamper/saat tutumunda olan akkumulyator batareyası "Qualcomm Quick Charge 3.0" simsiz enerjidoldurma funksiyasını dəstəkləyir.

Milli.Az


Tags:  Windows-lu unikal smartfon göstərildi



RƏYLƏR


Top news