Hər bir qiymətli daşın insanlara özünəməxsus təsir gücü vardır. Bəzi daşların müalicəvi təsirə malik olduğunu hamımız bilirik. Sizlərə bəhs etmək istədiyim daş növü isə qədim əfsanələrə görə pul daşı adlandırılır.
Deyimlərə əsasən bu daşdan hansı evdə varsa, həmin evə pul
gəlir. Bu daş əqiq daşıdır.
Qədim zamanlarda əqiq daşını tacirlər, bəylər öz evlərindən əskik
etməzlərmiş. Hətta onlar öz xanımlarına bu daşlardan hədiyyə
edərlərmiş ki, xanımları bu daşı daima üzərlərində gəzdirsinlər və
daş itməsin. Deyilənlərə görə bu daşdan hansı evdə varsa, həmin evə
ruzi-bərəkət və pul gəlir. Əqiq daşı həm də həmin evi bəd nəzərdən
və pis enerjidən qoruyur. Bu deyilənlər yüz illər boyu öz təsdiqini
tapdığına görə indi də bəzi insanlar evlərində əqiq daşı
saxlayırlar.
İmmunitet.az xəbər verir ki, deyilənə görə, Hz.Məhəmməd peyğəmbərimizin üzüyünün qaşı da əqiqdən olub.
Əqiq daşının qiymətli olduğuna görə onun haqqında bir çox
deyimlər var. Məsələn, türkdilli xalqların bir atalar sözündə "Əqiq
yoxsulluğu aradan qaldırar, qanaxmanı durdurar".
Əqiq daşı cibdə gəzdirilməsi mümkün olan bir daşdır. Siz də
cibinizdə bu daşdan gəzdirsəniz və onun var-dövlət gətirəcəyinə
inansanız dövlətli olacaqsınız.