Aktual mövzular: Dollar alış-satışı , Hava, Məzənnə, Neftin qiyməti

Hər gün 2 xörək qaşığı zeytun yağı qəbul edən insanda...

Hər gün 2 xörək qaşığı zeytun yağı qəbul edən insanda...

Rahat yatmaq üçün ÜSULLAR (22 Mart 2017 23:05)
Ancelina Coli ilə Bred Pitt barışdı (22 Mart 2017 11:38)
Köklü və darçınlı keks - HAZIRLANMA QAYDASI (22 Mart 2017 07:05)

Tarix: 5 Noyabr 2016 23:05

Alimlər zeytun yağını insan sağlamlığı üçün ən faydalı məhsullardan biri hesab edirlər. Zeytun yağı "üzunömürlülərin məhsulu" sayılır.
Zeytun yağı olduqca vacib və faydalı Omeqa-3 yağlı turşular, A, D, K, E vitaminlər, polifenol maddələrlə zəngindir.
Milli.Az saglamolun.az-a istinadən bildirir ki, omeqa-3 yağlı turşular damarları xolesterindən çox yaxşı təmizləyir. Bu isə aterosklerozun, infarkt və insultun qarşısını alır.
Müxtəlif ölkələrdə keçirilmiş çoxsaylı araşdırmalar göstərib ki, hər gün zeytun yağı qəbul edən insanlarda ürək-damar sistemi xəstəliklərinin riski 30% azalır. Həmçinin bu məhsul orqanizmdə iltihabı azaldır, xərçəngəleyhinə təsir edir.
Alimlər sağlamlığı qorumaq üçün hər gün 2 x.q. zeytun yağı qəbul etməyi tövsiyə edirlər. Zeytun yağı tərəvəz salatlarına əlavə olunmalıdır. İtaliya, İspaniya və bir çox digər ölkələrdə zeytun yağı buterbrodaların hazırlanmasında da istifadə olunur (çörəyə çəkilir).
Ən yaxşı və faydalı zeytun yağı Extra Virgin zeytun yağı sayılır. Bu sözlər butulkanın üzərində qeyd olunur. Məhz bu yağın gündəlik qəbulu bizi bir çox xəstəliklərdən qoruya bilər. Zeytun yağı sərin və qaranlıq yerdə (soyuducuda yox!) saxlanılmalıdır.
Həkimlər zeytun yağını qızartmaq üçün istifadə etməyi tövsiyə etmirlər. Qızartma nəticəsində zeytun yağının bütün faydalı xüsusiyyətləri nəinki yox olur, qızartma zamanı xərçəng əmələ gətirən çox ziyanlı birləşmələr əmələ gəlir.
Milli.Az


Teqlər:  Hər gün xörək qaşığı zeytun yağı qəbul edən insanda



RƏYLƏR


Top xəbərlər