Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

İtaliyanın sahil mühafizə qüvvələri bir gündə 2100 miqrant xilas edib

İtaliyanın sahil mühafizə qüvvələri bir gündə 2100 miqrant xilas edib

Date: 6 November 2016 03:18

Bu gün Liviya sahillərindən yola çıxan qayığın batması nəticəsində onlarla insan batıb. İtaliyanın sahil keşikçiləri sulardan 10 cəsəd çıxarıb.

Gün boyu həyata keçirilən 15 xilas əməliyyatı zamanı 2100-ə yaxın miqrant xilas edilib. Bu, cümə günü xilas edilənlərdən 2 dəfə çoxdur.

7-si hamilə qadın, 78-i uşaq olmaqla, digər 420 miqrant xilas edilərək, Sisilinin Trapani limanına aparılıb.

Aralıq dənizində ölən miqrantların sayı bu il 4220 nəfərdən çoxdur. 2016-cı il bu baxımdan ən ağır il hesab edilir. 2015-ci ildə bu rəqəm 3777 idi.

BMT-nin Qaçınlar üzrə Ali Komissarlığının bildirdiyinə gör, bu ilin oktyabr ayınadək Aralıq dənizi vasitəsi ilə Avropaya 153 632 miqrant daxil olub, minlərlə insan boğularaq həyatını itirib.


Tags:  İtaliyanın sahil mühafizə qüvvələri gündə 2100 miqrant xilas edib

RƏYLƏR


Top news