Bu gün keçiriləcək iki oyunla Topaz Premyer Liqasında XI tura yekun vurulacaq. Fanat.Az xəbər verir ki, ölkəmizi Avropa Liqasında təmsil edən “Qarabağ”la “Qəbələ” növbəti oyunlarına çıxacaqlar.
Cümə axşamı “Sent-Etyen”ə uduzan və 1/16 finala yüksəlmək şansını itirən “Qəbələ” üçün bundan sonra bir prioritet olacaq – klub tarixində ilk dəfə milli çempionatın qızıl medallarını qazanmaq.
Hədəfə gedən yolda “qırmızı-qaralar”ın bu gün qarşılaşacağı AZAL onlar üçün maneə olmamalıdır. Hər halda, Roman Qriqorçukun rəhbərlik etdiyi kollektivin sonuncu pillədə qərarlaşan “təyyarəçilər”i yenməsi üçün ciddi güc sərf etməsinə də gərək yoxdur. İlk dövrədə rəqibini 3 cavabsız qolla məğlub edən “Qəbələ” bu görüşdə də aşkar favoritdir.
“Qəbələ”dən fərqli olaraq, “Qarabağ”ın digər cəbhədə də işləri yolundadır. Ağdam klubu son turda səfərdə PAOK-u məğlub etməklə, 1/16 finala yüksəlmək baxımından yaxşı fürsət yaxalayıb. Lakin son 3 mövsümün qalibi olan “köhlən atlar” Premyer Liqada önəmlidir. Lider “Qəbələ”dən 2 xal geri qalan Qurban Qurbanovun komandası bu gün “Zirə” ilə görüşdə xal itirsə, aradakı fərq arta bilər. Ona görə də, qonaqlar bir anlıq Avropa Liqasını udunub, ilk dövrədə 2 cavabsız qolla məğlub etdikləri “Zirə” ilə duelə köklənməlidirlər.
Topaz Premyer Liqası
XI tur
6 noyabr
14:00 AZAL – “Qəbələ”
Hakimlər: İnqilab Məmmədov, Vaqif Musayev, Rahil Ramazanov, Namiq Hüseynov
Əlavə köməkçi hakimlər: Əliyar Ağayev, Fariz Yusifov
AFFA nümayəndəsi: Nüvər Xasıyev
Hakim-inspektor: Şaiq Həmidov
“AZAL Arena”
İlk dövrə: 0:3
16:00 “Zirə” – “Qarabağ”
Hakimlər: Ramil Diniyev, Mehman Mahmudov, Vüsal Qənbərov, İsgəndər Əliyev
Əlavə köməkçi hakimlər: Rəhim Həsənov, Ömər Paşayev
AFFA nümayəndəsi: Arif Fərəcov
Hakim-inspektor: Füzuli Nəcəfov
Zirə İdman Kompleksinin stadionu
İlk dövrə: 0:2
№ |
Klub |
O |
Q |
H/H |
M |
T/F |
X |
|
1 |
Qəbələ |
10 |
7 |
3 |
0 |
26:1 |
24 |
|
2 |
Qarabağ |
10 |
7 |
1 |
2 |
21:5 |
22 |
|
3 |
İnter |
11 |
5 |
5 |
1 |
17:11 |
20 |
|
4 |
Zirə |
10 |
4 |
2 |
4 |
10:10 |
14 |
|
5 |
Kəpəz |
11 |
2 |
6 |
3 |
7:10 |
12 |
|
6 |
Sumqayıt |
11 |
2 |
4 |
5 |
9:17 |
10 |
|
7 |
Neftçi |
11 |
3 |
0 |
8 |
9:25 |
9 |
|
8 |
AZAL |
10 |
0 |
3 |
7 |
4:21 |
3 |
|
Bombardirlər |
Baqali Dabo (Qəbələ) - 7. |
|||||||
