Aktual mövzular: Dollar alış-satışı , Hava haqqında, Məzənnə, Neftin qiyməti

Ukrayna pul axtarır - "Eurovision" üçün

Ukrayna pul axtarır - "Eurovision" üçün

Date: 6 November 2016 11:32

Ukrayna "Eurovision" Mahnı Müsabiqəsini keçirməklə bağlı maliyyə problemi ilə üzləşib.

Milli.Az-ın APA-ya istinadən verdiyi məlumata görə, müğənni Cəmilənin qələbəsi ilə əlaqədar bu müsabiqəni keçirmək hüququnu qazanmış Ukrayna bu məqsədlə 442 milyon qriven ayırıb.

Bu vəsait Azərbaycanın 2012-ci ildə "Eurovision" Mahnı Müsabiqəsini təşkil etmək üçün ayırdığı vəsaitdən 3 dəfə azdır.

Ukrayna Milli Teleşirkətinin direktoru Zurab Alasaniyanın istefası da bunu təsdiqləyir. Z.Alasaniya deyib ki, maliyyə çatışmazlığı böhran həddindədir. Avropa Yayım İttifaqının vəd etdiyi yardımın da problemi həll edəcəyi ehtimalı azdır. O, eyni zamanda müsabiqə təşkilatçılarının çoxlu sayda bürokratik maneələrlə üzləşdiyini vurğulayıb.

Əgər Ukrayna "Eurovision" Mahnı Müsabiqəsini təşkil edə bilməzsə, müsabiqənin təşkili hüququ Rusiyaya keçir. Ancaq Ukrayna və Rusiya arasında münasibətlərin gərgin olması da əlavə problem yaradır.

Milli.Az


Tags:  Ukrayna pul axtarır Eurovision


RƏYLƏR


Top news