Aktual mövzular: Dollar alış-satışı , Hava haqqında, Məzənnə, Neftin qiyməti

AZAL - "Qəbələ" oyunu QALMAQAL - Qriqorçuk qovuldu

AZAL - "Qəbələ" oyunu QALMAQAL - Qriqorçuk qovuldu

Date: 6 November 2016 14:52

Topaz Premyer Liqasının XI turu çərçivəsində baş tutan AZAL - "Qəbələ" oyunu qalmaqalla başlayıb. Apasport.az saytının məlumatına görə, görüşün 11-ci dəqiqəsində "təyyarəçilər"in oyunçusu İlqar Ələkbərovun Ozobiçə qarşı kobud oynaması aranı qatıb.

Belə ki, sərt oyuna kənardan eyni şəkildə reaksiya verən qonaqların baş məşqçisi Roman Qriorçuk hakimdən vərəqə tələb edib. Matçın baş hakimi İnqilab Məmmədov isə oyunçuya sarı vərəqə göstərməklə bərabər, ukraynalı məşqçiyə də xəbərdarlıq edib.

Ancaq, görünür, onun bu xəbərdarlığı yetərli olmayıb. Çünki instidentin üstündən 3 dəqiqə keçmiş bu dəfə iki rəqib baş məşqçi arasında şifahi münaqişə yaranıb. Qarşılıqlı şəkildə bir-birinə kobud sözlər və söyüşlər yağdıran Qriqorçukla Tərlan Əhmədovun mübahisəsi yekunda ukraynalının tribunaya göndərilməsi ilə nəticələnib.

Qeyd edək ki, Roman Qriqorçuk Avroliqanın qrup mərhələsində "Sent-Etyen"lə oyunda da meydandan kənarlaşdırılmışdı.

Milli.Az


Tags:  AZAL Qəbələ oyunu QALMAQAL Qriqorçuk qovuldu


RƏYLƏR


Top news