"Futbolçularımı təbrik edirəm. Əsl xarakter nümayiş etdirdilər".
Milli.Az "Qarabağ"ın saytına istinadən bildirir ki, bu sözləri "Qarabağ"ın baş məşqçisi Qurban Qurbanov deyib.
Azərbaycan Premyer Liqasının XI turunda səfərdə "Zirə" ilə qarşılaşan ağdamlılar 2:0 hesablı qələbəyə sevinib.
Matçdan sonra açıqlama verən çalışdırıcı oyun haqqında fikirlərini bölüşüb: "PAOK-la oyundan sonra köklənmək çətin idi. Futbolçular çox əziyyət çəkdilər. Hər birinə təşəkkür edirəm. "Zirə" komandası bəlkə də, bu gün məğlubiyyətə layiq deyildi. Bizim üçün vacib qələbə idi. Düşünürəm ki, çempionatın ən vacib xallarından birini qazandıq".
Milli.Az