Aktual mövzular: Dollar alış-satışı , Hava, Məzənnə, Neftin qiyməti

Rusiyada partlayış zamanı azərbaycanlı ailəsi yaralanıb

Rusiyada partlayış zamanı azərbaycanlı ailəsi yaralanıb

Hindistan hərbi zavodda partlayış: 20 yaralı (25 Mart 2017 23:42)
Çində mədəndə partlayış: 9 ölü (25 Mart 2017 13:18)
Əfqanıstanda partlayış törədilib, ABŞ-ın 3 hərbçisi yaralanıb (14 Mart 2017 11:12)

Tarix: 6 Noyabr 2016 20:24

Rusiyanın İvanovo şəhərində yaşayış binasında baş verən partlayış nəticəsində zərərçəkənlər arasında azərbaycanlı ailə də var.

 

APA-nın Rusiya bürosunun xəbərinə görə, bu  barədə "Moskovskiy Komsomolets" qəzeti məlumat yayıb.

 

Qəzetin yazdığına görə, Ələsgərovla ailəsi 20 il bundan qabaq Azərbaycandan İvanovoya gəlib. Onların tanışı Vahid İbadovun bildirib ki, ailənin başçısı yaşadıqları evin yaxınlığındakı ərzaq mağazasında çalışır: "Həyat yoldaşı isə evdar qadındır. Onların 21 yaşlı Elvin adlı oğlu var. Partlayış baş verən zaman partlayışın dalğası Elvini pəncərədən həyətə tullayıb. Valideynləri isə içəridə qalıb. Lakin onları dağıntılar altından çıxartdılar və xəstəxanaya çatdırdılar. Baxmayaraq ki, vəziyyətləri ağırdır, deyilənə görə, onların həyatına heç bir təhlükə yoxdur. Bilmirəm ki, niyə bir sıra KİV-lər Elvinin anasının öldüyünü yazır. Biz günorta xəstəxanada idik, həkimlər bizə belə söz demədilər”.

 

Qeyd edək ki, noyabrın 6-da gecə saatlarında Rusiyanın İvanovo şəhərində yaşayış binasında güclü partlayış baş verib. Nəticədə 6 nəfər ölüb, 8 nəfər yaralanıb.


Teqlər:  Rusiyada partlayış zamanı azərbaycanlı ailəsi yaralanıb



RƏYLƏR


Top xəbərlər